బీజేపీ డైమండ్ హార్బర్ అభ్యర్థిపై దాడి

ఈ దాడికి సంబంధించి ఇద్దరు వ్యక్తులను అరెస్టు చేశారు. ఈ దాడి అధికార తృణమూల్ కాంగ్రెస్ పనేనని బీజేపీ ఆరోపించింది. ‘మేము ఆ ప్రాంతానికి చేరుకునే సరికి దుండగులు మా అభ్యర్థిపై దాడి చేశారు. మేము ప్రతిఘటించాం. కేంద్ర బలగాలు అక్కడ ఉన్నప్పటికీ బీజేపీ అభ్యర్థిపై వారు దాడి చేశారు’ అని విమర్శించారు.

వెదురు కర్రలతో కొట్టారని బీజేపీ మద్దతుదారు ఒకరు మీడియాకు తెలిపారు. ఈ దాడి టీఎంసీ డైమండ్ హార్బర్ అభ్యర్థి, మమతా బెనర్జీ మేనల్లుడు అభిషేక్ బెనర్జీ గూండాల పనేనని బీజేపీ నేత, బరాక్‌పోర్ ఎంపీ అర్జున్ సింగ్ ఓ ట్వీట్‌లో ఆరోపించారు. టీఎంసీ మాజీ ఎమ్మెల్యే అయిన దీపక్ హల్దార్ అసెంబ్లీ ఎన్నికలకు రెండు నెలల ముందే బీజేపీలో చేరారు. ఇక్కడ ఏప్రిల్ 6న పోలింగ్ జరుగనున్నది.