తెలంగాణలో కరోనా సెకండ్ వేవ్?

తెలంగాణలో మళ్లీ కరోనా కేసులు పెరుగుతుండడంపై ఆందోళన వ్యక్తమవుతోంది. కరోనా కేసులు పెరుగుతున్న తీరును చూస్తే రాష్ట్రంలో కరోనా సెకండ్ వేవ్  ప్రారంభమైందన్న విషయం అర్ధమవుతుందని హెల్త్ డైరెక్టర్ శ్రీనివాసరావు తెలిపారు. 

కాగా, రాష్ట్రంలోని  గురుకులాలు, పాఠశాలలు, హాస్టళ్లలో కరోనా కేసులు పెరుగుతుండటం ఆందోళన కలిగిస్తున్నది. రాష్ట్రంలో కరోనా కేసులు మళ్లీ పెరుగుతుండడంతో లాక్ డౌన్, నైట్ కర్ఫ్యూ పెడుతారన్న ప్రచారం జరుగుతుందని, అటువంటి ప్రచారాలను నమ్మవద్దని డా. శ్రీనివాసరావు ప్రజలను కోరారు.

విద్యా సంస్థల్లో కరోనా కేసులు అధికంగా నమోదవుతున్నాయని, దీని వల్ల విద్యార్థుల ఇళ్లల్లో ఉన్న వృద్ధులకు, దీర్ఘకాలిక వ్యాధులు ఉన్నవారికి ప్రమాదం పొంచి ఉందని ఆయన హెచ్చరించారు.