బిజెపి కార్యకర్తలు పెద్ద సంఖ్యలో పాల్గొన్న ఈ కార్యక్రమంలో శ్రీధరన్‌కు పూలమాల వేసి సురేంద్రన్ పార్టీలోకి ఆహ్వానించారు. ఈ సందర్భంగా శ్రీధరన్ మాట్లాడుతూ ఇది తన జీవితంలోనే గొప్ప సందర్భమని చెప్పారు.

బిజెపి కోసం పనిచేసే అవకాశాన్ని తనకు కల్పించినందుకు సురేంద్రన్‌కు ఆయన ధన్యవాదాలు తెలిపారు. మెట్రో మ్యాన్‌గా ప్రసిద్ధులైన శ్రీధరన్ తాను బిజెపిలో చేరనున్నట్లు గత వారం ప్రకటించారు. ఏప్రిల్-మేలో జరిగే కేరళ అసెంబ్లీ ఎన్నికలలో తాను పోటీ చేసే అవకాశం ఉందని కూడా ఆయన వెల్లడించారు.