దీప్ సిద్ధూ ఆచూకీ చెబితే రూ.లక్ష బహుమతి

కిసాన్ ర్యాలీలో అల్ల‌ర్లకు కార‌ణ‌మైన 12 మంది ముఖ‌చిత్రాల‌ను ఢిల్లీ పోలీసులు విడుద‌ల చేశారు. ఈ 12 మంది క‌ర్ర‌లు ప‌ట్టుకుని దాడులు చేసిన‌ట్లు వీడియోల్లో క‌నిపించిన‌ట్లు పోలీసులు పేర్కొన్నారు. పోలీసుల‌పై కూడా దాడులు చేసింది వీరేన‌ని తేలింద‌న్నారు. కిసాన్ ర్యాలీ అల్ల‌ర్లకు సంబంధించి మొత్తం 44 కేసులు న‌మోదు చేయ‌గా, 122 మందిని అరెస్టు చేశారు. ప‌లు రైతు సంఘాల నాయ‌కుల పేర్లు కూడా వివిధ కేసుల్లో న‌మోదు అయ్యాయి. ఇక జ‌ర్న‌లిస్టుల‌పై కూడా పోలీసులు కేసులు న‌మోదు చేశారు.

 రైతుల నిర‌స‌న‌ల నేప‌థ్యంలో ఢిల్లీ ప‌రిసరాల్లో పోలీసులు భారీ బందోబ‌స్తు ఏర్పాటు చేశారు. ఎలాంటి అవాంఛ‌నీయ ఘ‌ట‌న‌లు జ‌ర‌గ‌కుండా జాగ్ర‌త్త‌లు తీసుకుంటున్నారు. టిక్రి, సింఘూ వ‌ద్ద బారికేడ్ల‌ను ఏర్పాటు చేసి నిఘా పెట్టారు. రోడ్ల‌పై ఇనుప మేకుల‌ను ఏర్పాటు చేసి రైతుల నిర‌స‌న‌ల‌ను అడ్డుకుంటున్నారు పోలీసులు.