రైతులు ఊహించిన దానికంటే ఎక్కువ మద్దతు ధర  

రైతు రుణ మాఫీ పేరుతో అక్కడి ప్రభుత్వాలు పెద్ద పెద్ద ప్యాకేజీలు ప్రకటించేవని, కానీ ఆ ప్రతిఫలాలు కింది స్థాయి రైతులకు అందేవి కాదని మోదీ ఆవేదన వ్యక్తం చేశారు. రుణ మాఫీలతో కూడా రైతులు తీవ్రంగా మోసపోయారనే విషయం దీంతో అర్థమైపోతోందని చెప్పుకొచ్చారు.

రైతులకు ప్రకటించిన వందల కోట్ల పథకాలు ప్రకటిస్తే వారికి కేవలం 15 పైసల వంతే చేరుతుందని, అంటే పథకాల్లో కూడా రైతులు మోసపోతున్నారని మోదీ పేర్కొన్నారు. ఎప్పుడైతే గతం మొత్తం మోసాలతో నిండిపోయి ఉంటుందో అప్పుడు ఆ మోసానికి గురైన వారు ప్రభుత్వానికి వ్యతిరేకంగా గళమెత్తడంలో తప్పులేదని తెలిపారు. అలాగే దశాబ్దాలుగా మోసం చేసిన వారు అసత్యాలతో తమ తప్పులను కప్పిపుచ్చుకోవడంలో విశేషమేమీ లేదని ప్రధాని మోదీ ఎద్దేవా చేశారు.