ఉద్ధవ్ థాకరే బెదిరింపులకు దిగుతున్నారు

‘మా హిందుత్వం చెక్కు చెదరలేదు. హిందుత్వ నుంచి శివసేనే వైదొలిగింది. సావర్కర్‌పై వాళ్ల భాగస్వామ్యులు ఏమన్నారో శివసేన ఎలా మరిచిపోయింది? చైనా సాయంతో 370వ అధికరణను పునరుద్ధిస్తామని మాట్లాడే గుప్కార్ డిక్లరేషన్‌కు మద్దుతుగా నిలుస్తున్న కాంగ్రెస్‌తో వారు(సేన) చేతులు కలిపారు’ అని ప్రశ్నించారు.

కోవిడ్ మహమ్మారిని ఎదుర్కోవడంలో మహారాష్ట్ర ప్రభుత్వం విఫలమైందని, కోవిడ్ సెకెండ్ వేవ్ బారిన మహారాష్ట్ర పడకపోవడం మన అదృష్టమని విమర్శించారు. ‘ఈ వ్యక్తులు కోవిడ్‌ను అదుపు చేశామంటూ నిస్సిగ్గుగా చెబుతున్నారు. దేశంలోని మొత్తం మరణాల్లో 47,000 కోవిడ్ మరణాలు ఒక్క మహారాష్ట్రలోనే చోటుచేసుకున్నాయి’ అని త్లెలిపారు.

వాళ్లు యుద్ధం చేసింది గణాంకాలతోనే కానీ కోవిడ్‌తో కాదని ఆయన ధ్వజమెత్తారు. రాష్ట్రంలో కోవిడ్ మేనేజిమెంట్‌లో థాకరే ప్రభుత్వం అవినీతికి పాల్పడిందని ఫడ్నవిస్ ఆరోపించారు. కోవిడ్ సమయంలో తాను ముఖ్యమంత్రికి పలు లేఖలు రాశానని, ఒక్క దానికి కూడా స్పందించడం కానీ, తన సలహాలను పట్టించుకోవడం కానీ  చేయలేదని ఫడ్నవిస్ ధ్వజమెత్తారు. కోవిడ్ నిర్వహణలో చోటుచేసుకున్న అవినీతిని బహిర్గతం చేస్తామని చెప్పారు.