ప్రభుత్వ పరిధిలోకి సోషల్ మీడియా, ఓటిటి ప్లాటుఫార్మ్స్ 

న‌వంబ‌ర్ 9వ తేదీన కేంద్ర క్యాబినెట్ సెక్ర‌టేరియేట్ రిలీజ్ చేసిన నోటిఫికేష‌న్ ప్ర‌కారం.. ఆన్‌లైన్‌లో అందుబాటులో ఉండే ఫిల్మ్స్‌, ఆడియో విజువ‌ల్ ప్రోగ్రామ్స్‌.. అన్నీ  కేంద్ర స‌మాచార‌, ప్ర‌సార మంత్రిత్వ‌శాఖ ప‌రిధిలోకి రానున్నాయి. ఆన్‌లైన్‌లో క్ర‌మ‌శిక్ష‌ణ సాధించేందుకు ఇదొక్క‌టే మార్గ‌మ‌న్న ఆలోచ‌న‌కు వ‌చ్చారు.

ఆన్‌లైన్‌లో వార్త‌లు, ఓటీటీని ఎలా ఆ మంత్రిత్వ‌శాఖ నియంత్రిస్తుంద‌న్న‌ది ప్ర‌శ్న‌గా మారింది. టీవీల్లో కంటెంట్‌ను నియంత్రించేందుకు ఉన్న కేబుల్ టెలివిజ‌న్ నెట్వ‌ర్క్ రెగ్యులేష‌న్ చ‌ట్టం ఆధారంగా.. ఆన్‌లైన్ కంటెంట్‌కు కూడా రూల్స్ రూపొందించ‌నున్నారు.

టీవీల‌కు అమ‌లు చేస్తున్న‌ ప్రోగ్రామ్ కోడ్ ఇక ఆన్‌లైన్ వార్త‌ల‌కు కూడా వ‌ర్తించ‌నున్న‌ది. టీవీల్లో కంటెంట్‌ను ఎల‌క్ట్రానిక్ మీడియా మానిట‌రింగ్ సెంట‌ర్ ప‌ర్య‌వేక్షిస్తున్న‌ది. అదే విధంగా ఆన్‌లైన్ న్యూస్‌ను కూడా మానిట‌రింగ్ సెంట‌ర్ ద్వారా ప‌ర్య‌వేక్షించే అవ‌కాశాలు ఉన్నాయి. టీవీల‌కు ఉన్న మానిట‌రింగ్ స‌ర్వీసును.. ఆన్‌లైన్‌కు వ‌ర్తింపు చేయ‌నున్నారు.