దుబ్బాక ప్రజలు బీజేపీకే ఓటేశారు 

 ‘దుబ్బాక నుంచి నాయకులు ,కార్యకర్తలు ఇచ్చిన సమాచారం ప్రకారం టీఆర్‌ఎస్ అహంకారాన్ని దెబ్బకొట్టాలనే 81 శాతం ఓటింగ్ పొలైంది. దుబ్బాక లో బీజేపీ విజయం సాధించబోతుంది’  అంటూ సంజయ్ తెలిపారు.

ఇన్ని రోజులు అవస్తవాలను వాస్తవాలుగా చిత్రికరిస్తూ టీఆర్‌ఎస్ అబద్ధాలు చెప్తూ వచ్చిందని పేర్కొంటూ టీఆర్‌ఎస్ పార్టీ పై ప్రజా వ్యతిరేక విధానాలు కూడా ఓటర్లు ఆలోచించారని, నరేంద్ర మోదీ ప్రభుత్వం చేస్తున్న మంచి పనులు కూడా బీజేపీకి కలిసి వస్తుందని వివరించారు.   

బీజేపీపై విశ్వాసంతో దుబ్బాక ప్రజలు ఓటు వేశారని చెబుతూ అదే నమ్మకంతో పని చేసి చూపిస్తామని హామీ ఇచ్చారు.  నియోజకవర్గ ప్రజలు  అందరికి ధన్యవాదాలు తెలిపారు.  టీఆర్ఎస్ తీరును ఈ ఎన్నికనే తీర్పు చెబుతుందని స్పష్టం చేశారు. సమస్యలను గుర్తించే వ్యక్తి కావాలనే రఘునందన్ ను ఎంపిక చేశామని తెలిపారు.