మంత్రి వెల్లంపల్లి రాజీనామాకు వి హెచ్ పీ డిమాండ్ 

అంతర్వేది శ్రీ లక్ష్మీ నరసింహ స్వామి రథాని  దగ్ధం చేసిన ఘటనకు నైతిక బాధ్యత వహిస్తూ రాష్ట్ర దేవాదాయ శాఖ మంత్రి వెల్లంపల్లి శ్రీనివాసరావు వెంటనే పదవికి రాజీనామా చేయాలనీ విశ్వహిందూ పరిషద్ డిమాండ్ చేసింది. ఈ ఘటనపై  ప్రభుత్వం సిబిఐతో దర్యాప్తు చేయించి దోషులను కఠినంగా శిక్షించాలని పరిషద్ నాయకుడు  సత్య రవికుమార్ డిమాండ్ చేశారు  

హిందూ‌ధర్మాన్ని నీరు గార్చేలా ప్రభుత్వ చర్యలు ఉన్నాయని విమర్శించారు. మతి‌ స్థిమితం లేని వారు చేసిన చర్యలుగా ప్రకటించడం సరికాదని అంటూ ఆగ్రహం వ్యక్తం చేశారు. దేవాలయాలపై జరుగుతున్న దాడులపై న్యాయ స్థానాలను ఆశ్రయిస్తామని వెల్లడించాయిరు. గవర్నర్‌ని కూడా కలిసి ప్రభుత్వం తీరుపై ఫిర్యాదు చేస్తామని సత్య రవికుమార్ స్పష్టం చేశారు.