మూడు రాజధానుల అవినీతిపై బీజేపీ పోరాడాలి 

చంద్రబాబు ప్రభుత్వ సమయంలో ఎలా ఉందొ, ఇప్పుడు రాష్ట్ర పరిధి అంశాలపై అలానే కేంద్రం అదే విధంగా ఉన్నదని చెప్పారు. ‘రాజధానిపై రాష్ట్ర ప్రభుత్వం ఏ నిర్ణయం తీసుకున్నా కేంద్రం అడ్డుకోలేదు. రాజధాని అంశంపై కేంద్రం ఏనాడు జోక్యం చేసుకోలేదు. కేంద్రం తన పరిధిలోనే వ్యవహరించిందని’’ రామ్‌మాధవ్ పేర్కొన్నారు.

అధికార పార్టీ దురహంకారాన్ని ఎదుర్కోవాలని అంటూ అధికారంలో ఉన్న వ్యక్తులను సంఘర్షణ వైఖరితో ఎదుర్కోవాలని అంటూ ప్రజా పోరాటాలపై దృష్టి సారింపమని సంకేతం ఇచ్చారు. ప్రతిసారీ ఢిల్లీకి ఫోన్ చేసి అడగాల్సిన అవసరం లేదని స్పష్టం చేశారు. “ఢిల్లీ ఏం చేయాలో అది చేస్తుంది. ముందు మన మైండ్ సెట్ మార్చుకోవాలి. ప్రజాస్వామ్య బద్ధంగా వీధుల్లో నిలబడి పోరాడాలి. ఏపీలో అప్పుడే ముందుకు వెళ్లగలం. ప్రజల కోసం నిలబడే పార్టీగా ఎదగాలి’’ అని హితబోధ చేశారు.