మాజీ మంత్రి పి.రామస్వామి కన్నుమూత  

1983లో మహారాజ్ గంజ్ నియోజకవర్గం నుంచి టిడిపి ఎమ్మెల్యేగాఘన విజయం సాధించారు. తదనంతర పరిణామాల నేపథ్యంలో 1985లో నాదెండ్ల భాస్కర్‌రావు నేతృత్వంలో ఏర్పాటైన ప్రభుత్వంలో సాంకేతిక విద్యా మంత్రిగా పనిచేశారు. 1999లో మాజీ మంత్రి ముఖేష్‌గౌడ్‌పై బిజెపి అభ్యర్థిగా పోటీ చేసి విజయం సాధించారు. నాటి నుంచి రాజకీయాలకు కొంత దూరంగా ఉన్నారు.

మాజీ మంత్రి పి.రామసామి మృతి పట్ల ముఖ్యమంత్రి కె.చంద్రశేఖర్‌రావు తీవ్ర దిగ్భ్రాంతి వ్యక్తం చేశారు.ఎలాంటి హంగూ ఆర్భాటాలు లేకుండా నిరాఢంబరమైన జీవితం గడిపిన రామస్వామి, నిజాయితీగా ప్రజలకు సేవలందించి మచ్చలేని రాజకీయ నాయకుడిగా పేరొందారని కొనియాడారు. 

రామస్వామి మృతి పట్ల ఆర్ధిక శాఖ మంత్రి టి.హరీష్‌రావు సంతాపం వ్యక్తం చేశారు. తొలి తెలంగాణ ఉద్యమకారుడు, ఉమ్మడి ఆంధ్రప్రదేశ్ మంత్రిగా  సేవలందించిన ఆయన విద్యార్థి దశ నుంచే ప్రత్యేక తెలంగాణ ఉద్యమం కోసం పోరాటం చేశారని, రాష్ట్ర ఏర్పడేంత వరకు గడ్డం తీయనని 1969లో దీక్ష చేపట్టారని అంటూ ట్వీట్ చేశారు. 

రామస్వామి గారి మృతి పట్ల హిమాచల్ ప్రదేశ్ గవర్నర్ బండారు దత్తాత్రేయ సంతాపం వ్యక్తం చేశారు.  పాతబస్తీలో ఘర్షణలు జరిగినప్పుడు రామస్వామి అక్కడ పర్యటించి ప్రజల్లో ధైర్యం నింపేవారని, మజ్లిస్ నేతలతో సన్నిహిత సంబంధాలు ఉన్నా వారితో విభేదించారని దత్తాత్రేయ తెలిపారు.  రామస్వామి నీతికి నిజాయితీకి మారుపేరని, రాజకీయ జీవితంలో మచ్చ లేని నాయకునిగా పేరు తెచ్చుకున్నారని కొనియాడారు.