కెనడా, అమెరికా, యూకేలకు తగ్గిన భారత విద్యార్థులు 

విదేశీ విద్యార్థుల సంఖ్య భారీగా ఉండటంతో గృహ, ఆరోగ్య, ఇతర ప్రజా సేవలు భారంగా మారాయని సాకు చెబుతోంది. భారతీయ విద్యార్థులకు కేటాయించే స్టడీ పర్మిట్లను 32 శాతం తగ్గించింది. అదే సమయంలో చైనీయులకు కేవలం 3 శాతం కుదించింది.

ఇక యూకే కూడా విదేశీ విద్యార్థులు వారిపై ఆధారపడిన వారిని తమ వద్దకు తీసుకురాకుండా నిబంధనలు విధించింది. ఈ కారణంతో అక్కడి వీసాకు దరఖాస్తు చేసేవారి సంఖ్య తగ్గింది. వాస్తవానికి కొవిడ్‌ తర్వాత 2023 నుంచే భారతీయులకు విద్యార్థి వీసాలు ఇవ్వడం యూకే తగ్గించింది. దాంతో ఆ ఏడాది 13 శాతం తగ్గుదల కనిపించింది. ఇక 2024లో అది 26 శాతానికి పరిమితమైంది.

అయితే గడిచిన పదేళ్లలో కెనడా, అమెరికా, యూకే దేశాల్లో భారతీయ విద్యార్థులు సంఖ్య అత్యంత వేగంగా పెరిగింది. ఒక దశలో చైనా విద్యార్థులను కూడా భారత విద్యార్థులు దాటేశారు.  2015 నుంచి 2023 మధ్య కెనడా వెళ్లే భారత విద్యార్థుల సంఖ్య 31,920 నుంచి 2,78,160కు చేరింది. అదే సమయంలో యూకేకు వెళ్లేవారి సంఖ్య 10,418 నుంచి 1,19,738కి పెరిగింది. అమెరికాకు 2015లో 74,831 మంది ఎఫ్‌1 వీసాపై వెళ్లగా 2023లో అది 1,30,730కి పెరిగింది.