పలు గంజాయి కేసుల్లో నిందితురాలిగా ఉండి తప్పించుకుని తిరుగుతున్న లేడీ డాన్ సంగీత సాహును తెలంగాణ ఎక్సైజ్ పోలీసులు అరెస్ట్ చేశారు. ఒడిశా రాష్ట్రం ఖుర్దా జిల్లా కాళీకోట్ గ్రామానికి చెందిన సంగీత సాహు నాలుగు సంవత్సరాల నుంచి గంజాయి దందాలో దిగింది. భువనేశ్వర్‌కు దగ్గరగా ఉండటంతో అనేక రాష్ట్రాల గంజాయి వ్యాపారులతో పరిచయాలు చేసుకుంది.
తర్వాత గంజాయి సరఫరా చేయడం మొదలు పెట్టిందని పోలీసులు తెలిపారు. గతంలో ధూల్‌పేట్‌లో 29కిలోలు, 11.3 కిలోల రెండు కేసుల్లో పట్టుబడిన నిందితులకు గంజాయిని సరఫరా చేస్తూ గతంలో పట్టుబడింది. తెలంగాణలో ఐదు కేసుల్లో నిందితురాలిగా ఉన్న సంగీతా సాహును అరెస్టు చేయడానికి ప్రత్యేక టీమ్‌ను ఎన్ ఫోర్స్‌మెంట్ డైరెక్టర్ వి.బి.కమలాసస్ రెడ్డి ఒడిశాకు పంపించారు.
నంద్యాల అంజి రెడ్డి పర్యవేక్షణలో తెలంగాణ నుంచి వేయి కిలోమీటర్ల దూరంలో ఉన్న ఒడిశాకు కాళీకోట్ వెళ్లిన ఎస్‌టిఎఫ్‌సి పంపిన టీమ్ స్థానిక పోలీసుల సహకారం తీసుకొని సంగీతా సాహును అరెస్టు చేసి తీకొచ్చారు. గంజాయి లేడీ డాన్ సంగీతా సాహు ఇన్‌స్ట్రా గ్రామ్‌లో సినీ హీరోయిన్‌లా వీడియోలు పోస్టు చేస్తుంది.గంజాయి వినియోగం ఎక్కడ ఉంటే అక్కడి వెళ్లి గంజాయి వ్యాపారులతో ఒప్పందాలు కుదుర్చుకుంటుంది సంగీతా సాహు అలియాస్ గీతా సాహు. భువనేశ్వర్‌కు దగ్గరగా ఉండడంతో అనేక రాష్ట్రాల గంజాయి వ్యాపారులతో మాట్లాడుతూ వారికి గంజాయిని సరఫరా చేస్తు ఉంటుంది. సంగీతా సాహు గంజాయి లేడీ డాన్ ధూల్‌పేట్‌లో 29 కేజీలు, 11.3 కేజీలు రెండు కేసుల్లో పట్టు బడిన నిందితులకు గంజాయిని సరఫరా చేసింది.
ధూల్‌పేట్‌లో శీలాబాయ్, నేహబాయ్, ఇష్‌కాసింగ్‌తోపాటు మరికొంత మందికి గంజాయిని సరఫరా చేసినట్లు, పట్టుబడిన గంజాయి నిందితులు ఇచ్చిన వాగ్మూలంతో ఆమెపై ధూల్‌పేట్ ఎక్సైజ్ పోలీసులు కేసులు నమోదు చేశారు. సంగీతా సాహు 2022లో గంజాయిని హైదరాబాద్‌కు తీసుక వస్తు రైల్వే పోలీసులకు పట్టుబడింది. ఇటీవల ధూల్ పేట గంజాయి డాన్ అంగూర్ బాయి అరెస్ట్ అయ్యాడు.
మరోవైపు, అనుమానం రాకుండా కంటెయినర్‌లో గంజాయి తరలిస్తున్న వ్యక్తిని రాచకొండ ఎస్వోటీ పోలీసులు పట్టుకున్నారు. అతని వద్ద నుంచి కోటి రూపాయలకు పైగా గంజాయి స్వాధీనం చేసుకున్నారు. మహారాష్ట్ర పూనెకు చెందిన అహ్మద్ గులాబ్ షేక్ విశాఖపట్నం అరకు నుంచి గంజాయి కంటెయినర్‌లో 300 కిలోల గంజాయి తరలిస్తున్నట్లు సమాచారం అందుకున్న ఎస్వోటీ, అబ్దుల్లాపూర్‌మెట్ పోలీసులతో కలిసి ప్రత్యేక ఆపరేషన్ నిర్వహించి షేక్‌ను పట్టుకున్నారు.
More Stories
దక్షిణాది సీఎంలకు ముడుపులు భరించలేకనే విశాఖకు అదానీ!
ప్రముఖ కవి, రచయిత అందెశ్రీ కన్నుమూత
పాతబస్తీలో హిందూ మైనర్ అమ్మాయిలపై డ్రగ్స్ రాకెట్ పంజా