రాష్ట్రవ్యాప్తంగా ఉన్న గుళ్ల‌లోకి భక్తులు మొబైల్ ఫోన్లు తీసుకెళ్లడంపై నిషేధం విధించాల‌ని తమిళనాడు ప్రభుత్వాన్ని ఆదేశిస్తూ మద్రాస్ హైకోర్టు శుక్ర‌వారం సంచ‌ల‌న ఆదేశాలు వెలువ‌రించింది. దేవాల‌యాల ప‌రిశుద్ధ‌త, ప‌విత్ర‌త‌ను కాపాడడం కోసం ఈ నిర్ణ‌యం తీసుకున్న‌ట్టు వెల్ల‌డించింది.
అంతేకాదు ఆలయాల్లో భ‌క్తుల‌కు డ్రెస్ కోడ్ తప్పనిసరి చేయాల‌ని కూడా తెలిపింది. దేశంలోని చాలా ప్రముఖ దేవాలయాల్లో మొబైల్ ఫోన్లు తీసుకెళ్లడంపై ఇప్పటికే నిషేధం అమలులో ఉంది. ఆలయాలు పర్యాటక కేంద్రాలు కాదని జస్టిస్ ఆర్.మహదేవన్, జస్టిస్ జె.సత్యనారాయణ ప్రసాద్‌ల ధర్మాసనం తన నిర్ణయంలో ఈ సందర్భంగా పేర్కొంది.
“దయచేసి తమిళనాడులోని దేవాలయాలలో, సందర్శకులు టీ-షర్టులు, జీన్స్, షార్ట్‌లు, లెగ్గింగ్‌లు వంటి నిరాడంబరమైన దుస్తులు ధరించడానికి అనుమతించబడరని దయచేసి చెప్పండి” అంటూ తన ఆదేశంలో తెలిపింది.
మదురై హైకోర్టు బెంచ్ రాష్ట్రంలోని దేవాలయాల్లో మొబైల్ ఫోన్లను నిషేధించాలని తమిళనాడు ప్రభుత్వాన్ని ఆదేశించిందమని కోరుతూ దాఖలైన ఒక పిటిషన్‌పై విచారణ జరిపి ఈ ఆదేశం ఇచ్చింది. తూత్తుకుడి జిల్లా తిరుచెందూర్ అర్చకర్ సీతారామన్ గత నెలలో మద్రాసు హైకోర్టులో పిటిషన్ దాఖలు చేశారు.
ఇంతకు ముందు కూడా, తిరుచెందూర్‌లోని శ్రీ సుబ్రమణ్యస్వామి ఆలయంలో మొబైల్ ఫోన్ల వాడకాన్ని నిషేధించాలని మద్రాస్ హైకోర్టు మధురై బెంచ్ నవంబర్ రెండవ వారంలో ఆదేశించింది. ఆలయాల్లో మొబైల్ ఫోన్ల వల్ల భద్రతకు ముప్పు పొంచి ఉందని పిటిషనర్ తన పిటిషన్‌లో పేర్కొన్నారు.
దీంతో పాటు కొందరు పూజారులు, సెక్యూరిటీ సిబ్బంది, దర్శనానికి వచ్చే భక్తులు ఆలయ లోపలి భాగాన్ని ఫొటోలు తీసి వైరల్ చేస్తున్నారు. భక్తులు ఆలయం లోపల సెల్ఫీలు తీసుకోవడం ప్రారంభిస్తారు. దీని కారణంగా కొన్నిసార్లు రద్దీని నియంత్రించలేము. దీంతో పాటు మొబైల్ ఫోన్ల వల్ల అనేక రకాల సమస్యలు వస్తున్నాయి. కావున ఆలయం లోపల సెల్ ఫోన్ వాడకాన్ని నిషేధించాలని కోరారు.
కాగా,ఇప్పటికే తమిళనాడులోని తిరుచెందూర్ ఆల‌యంలోకి ఫోన్లను అనుమ‌తించ‌డం లేదు. భ‌క్తులతో పాటు ఆలయంలో ప‌నిచేసే సిబ్బంది కూడా గుడిలోప‌లికి ఫోన్లు తీసుకురావ‌ద్ద‌ని నోటీసు బోర్డులు పెట్టారు. నవంబర్ 14వ తేదీ నుంచి ఈ నిర్ణ‌యాన్ని ప‌క్కాగా అమ‌లు చేస్తున్నారు.
‘భక్తులు, ఆలయ సిబ్బంది ఫోన్లను గుడి బ‌య‌ట డిపాజిట్ చేసేందుకు సెక్యూరిటీ కౌంట‌ర్ ఏర్పాటు చేశాం. టోకెన్లు కూడా ఇస్తున్నాం. సెల్ ఫోన్లు నిషేధం అనే నోటీస్ బోర్డులు పెట్టాం. ఒక‌వేళ ఎవ‌రిద‌గ్గ‌రైనా ఫోన్ దొరికితే ఆ ఫోన్‌ను వాళ్ల‌కు తిరిగి ఇవ్వం. అంతేకాదు భక్తులు మ‌న‌దేశ సంస్కృతికి అద్దంప‌ట్టే దుస్తులు వేసుకోవాల‌ని కోరుతూ గుడి ఆవ‌ర‌ణ‌లో నోటీస్ బోర్డులు పెట్టించాం’ అని తిరుచెందూర్ ఆలయ ముఖ్య అధికారి తెలిపారు.
More Stories
దేశంలో 14 శాతం పెరిగిన వరకట్నం కేసులు
బీహార్ లో తుది ఓటరు జాబితాను విడుదల చేసిన ఈసీ
క్యాన్సర్ పరిశోధనలో భారతీయ కుత్రిమ మేధ