దక్షిణాదిలో  పాగాకై బిజెపి సరికొత్త వ్యూహం 

అమిత్ షా 2014లో పార్టీ అధ్యక్ష పదవి చేపట్టినప్పుడే ఇప్పటి వరకు పార్టీ ఒకసారి కూడా అధికారంలోకి రాలేని దక్షిణ, తూర్పు రాష్ట్రాలలో అధికారం చేపట్టడమే లక్ష్యంగా ప్రకటించారు. ఆ తర్వాత అస్సాంతో సహా పలు  ఈశాన్య రాష్ట్రాలలో అధికారంలోకి రాగలిగారు. కర్ణాటకలో ప్రభుత్వం ఏర్పడింది. పశ్చిమ బెంగాల్, ఒడిశాలో ప్రధాన ప్రతిపక్షంగా సమీప భవిష్యత్తులో అధికారంలోకి రాగలమనే ధీమాతో ఉన్నారు. 

గతంలోని కొన్ని వ్యూహాలు ఆశించిన ఫలితాలను ఇవ్వకపోవడంతో పార్టీ ఇప్పుడు దక్షిణాదిని విస్తరించేందుకు, 2024 ఎన్నికలలో కొత్త ఎన్నికల విజయాలను సాధించేందుకు కొన్ని కీలక మార్పులతో సరికొత్త ప్రణాళికతో సిద్ధమవుతున్నారు. దక్షిణాది రాజకీయాలు ఉత్తరాదికన్నా భిన్నమైనవని పార్టీ నాయకత్వం గ్రహించింది.  

ఈ ఏడాది ప్రారంభంలో జరిగిన బీజేపీ 42వ వ్యవస్థాపక దినోత్సవం సందర్భంగా పార్టీ కేడర్‌ను ఉద్దేశించి చేసిన ప్రసంగంతో ప్రారంభించి ప్రధాని మోదీ తరచూ కుటుంబ రాజకీయాలను లక్ష్యంగా చేసుకుంటూ ప్రసంగిస్తున్నారు. దేశభక్తికి బదులుగా “కుటుంబ భక్తి రాజకీయాలు” అనుసరిస్తున్న కాంగ్రెస్, ప్రాంతీయ పార్టీలను ప్రస్తావిస్తూ, మోదీ ఇలా అన్నారు:  

దక్షిణాది రాష్ట్రాల్లో మోదీకి, బీజేపీకి ఇటువంటి మాటలు రాజకీయంగా మంచి ఫలితాలు ఇచ్చే అవకాశం ఉంది. ఇటీవల జరిగిన హైదరాబాద్ లో పార్టీ జాతీయ కార్యవర్గ సమావేశాల సందర్భంగా “హిందుత్వ” అంశాన్ని  మించి ఇతర మతాలలో వెనుకబడిన వర్గాలపై దృష్టి సారింపమని మోదీ సూచించడం ప్రధానంగా దక్షిణాది రాష్ట్రాలను దృష్టిలో పెట్టుకొనే అని చెప్పవచ్చు. 

తమిళనాడులో, రాష్ట్రంలోని ఉత్తరాది ప్రాంతాల్లోని కొన్ని నియోజకవర్గాల్లో ఆ సామాజికవర్గ ప్రభావాన్ని ఉపయోగించుకునేలా, ఆధిపత్య వన్నియార్లను ఆకర్షించడానికి పార్టీ తన ప్రయత్నాలను కొనసాగిస్తుంది. దాదాపు 150 బలహీన నియోజకవర్గాలను లక్ష్యంగా చేసుకుని ‘ప్రవాస్’ ప్రచారంతో పాటు రూపొందించిన కొత్త వ్యూహం, ఈ దక్షిణాది రాష్ట్రాల్లో పార్టీని విస్తరించి, ఎక్కువ సీట్లు గెలుచుకోవాలనే పట్టుదలను వెల్లడి చేస్తుంది.

ఇప్పటి వరకు దక్షిణాదిన చేస్తున్న ప్రయత్నాలు తగు ఫలితాలు ఇవ్వకపోవడం గ్రహించి,  సరికొత్త వ్యూహాలతో బిజెపి సరికొత్త సౌత్ మిషన్‌ను సిద్ధం చేశారు. ఉదాహరణకు, తమిళనాడులో, రజనీకాంత్ వంటి ప్రముఖ స్టార్‌ను ఆకట్టుకోవడం కోసం ప్రయత్నించి విఫలమైంది.