ముడేళ్ళల్లో ఐదు సార్లు ఆర్టీసీ ఛార్జీల పెంపు దారుణం

ఈ రాష్ట్రంలో పేదలు, మధ్య తరగతి ప్రజలు బతకడం కేసీఆర్ ప్రభుత్వానికి అస్సలు ఇష్టం లేనట్లుంది. ఇప్పటికే అడ్డగోలుగా విద్యుత్ ఛార్జీలు పెంచిండు… ఆస్తి పన్ను పెంచిండు… నల్లా బిల్లులు పెంచిండు… వ్యాట్ పేరుతో పెట్రోలుపై లీటర్ కు 30 రూపాయలు దండుకుంటుండు.. ఇట్లా అన్నీ ఛార్జీలు పెంచి ప్రజల నడ్డి విరగ్గొడుతున్న కేసీఆర్ ఇప్పుడు మళ్లా ఆర్టీసీ ఛార్జీలను ఎడాపెడా పెంచేసిండని సంజయ్ ధ్వజమెత్తారు.

సామాన్యుడు ఎటు వెళ్లాలన్నా దిక్కుగా ఉన్న ఆర్టీసీ బస్సును కూడా దూరం చేస్తున్నడు. ప్రజల బతుకును ఆగమాగం చేస్తుండని ఆగ్రహం వ్యక్తం చేశారు.  మొత్తంగా చూస్తే కేసీఆర్ రెండోసారి అధికారంలోకి వచ్చినప్పటి నుండి ఇఫ్పటి వరకు ప్రయాణీకులపై సగటున 60 శాతంపైగా ఆర్టీసీ ఛార్జీలను పెంచిండని, ఇక కనీస టిక్కెట్ ధరను వంద శాతం పెంచారని విమర్శించారు.

అసలు ఆర్టీసీ ఛార్జీలను పెంచాల్సిన అవసరమేముంది? అని ప్రశ్నించారు.  అప్పుడంటే కార్మికుల సమ్మెవల్ల ఆర్టీసీ నష్టాల్లో కూరుకుపోయిందంటివి. ఛార్జీలు పెంచకపోతే ఆర్టీసీని మూసేయాల్సిన దుస్థితి ఉందంటివి… మరి ఇప్పుడేమైంది? డీజిల్ సెస్ పేరుతో 20 నుండి 30 శాతం ఛార్జీలు పెంచితివి. దేశంలో పెట్రోల్, డీజిల్ రేట్లు పెరిగినందున ఆర్టీసీ నష్టాల్లోకి వెళ్లిందని మళ్లీ కథలు చెబుతుంటివని అంటూ మండిపడ్డారు.