ఉత్తరప్రదేశ్లోని యోగి ఆదిత్యనాథ్ ప్రభుత్వం తన ఉచిత రేషన్ పథకాన్ని మూడు నెలలు పొడిగిస్తూ నిర్ణయం తీసుకుంది. నిన్న రెండోసారి యూపీ ముఖ్యమంత్రిగా ప్రమాణ స్వీకారం చేసిన యోగి ఆదిత్యనాథ్ అధ్యక్షతన జరిగిన తొలి కేబినెట్ సమావేశంలో ఈ నిర్ణయం తీసుకున్నారు.
ఈరోజు జరిగిన కేబినెట్ మీటింగ్లో ఉచిత రేషన్ పథకాన్ని మరో 3 నెలల పాటు పొడిగించాలని నిర్ణయించామని, దీని వల్ల రాష్ట్రంలోని 15 కోట్ల మంది ప్రజలకు ప్రయోజనం చేకూరుతుందని ముఖ్యమంత్రి చెప్పారు.ఈ పథకం కోసం ప్రభుత్వం రూ. 3,270 కోట్లు ఖర్చు చేస్తుందని ఉప ముఖ్యమంత్రి కేశవ్ ప్రసాద్ మౌర్య తెలిపారు.
కరోనా మహమ్మారి సమయంలో ప్రారంభించిన ఉచిత రేషన్ పథకం గడువు మార్చితో ముగియాల్సి ఉంది. ఉత్తరప్రదేశ్లో ఇటీవల ముగిసిన అసెంబ్లీ ఎన్నికలలో ఈ కార్యక్రమం ఒక ముఖ్యమైన కథనం.
యూపీలో మూడు నెలల పాటు ఉచిత రేషన్ ఇస్తామని, పేదలను దృష్టిలో ఉంచుకుని ఈ నిర్ణయం తీసుకున్నామని చెబుతూ కేంద్ర, రాష్ట్ర ప్రభుత్వాల విధానాలను ప్రజలకు చేరవేయాలని నిర్ణయించామని కొత్త ఉప ముఖ్యమంత్రి బ్రిజేష్ పాఠక్ తెలిపారు.
More Stories
ఆరు నెలల్లో భారత్ లో భాగం కానున్న ఆక్రమిత కాశ్మీర్
కేంద్రంలో పదేళ్లుగా దమ్మున్న ప్రభుత్వం
కుమారస్వామి పేరు చెప్తే రూ 100 కోట్లు ఇస్తానన్న శివకుమార్