స్టాలిన్ దుబాయ్ పర్యటనపై బిజెపి విసుర్లు

 నుంగంబాక్కంలోని వళ్లువర్‌కోట్టం వద్ద బీజేపీ ఆధ్వర్యంలో మహాధర్నా జరిగింది. భారీగా హాజరైన ప్రజలను ఉద్దేశించి రాష్ట్ర పార్టీ అధ్యక్షుడు  అన్నామలై మాట్లాడుతూ డీఎంకే అధికారంలోకి వచ్చినప్పటి నుంచి పాలకులు కల్లబొల్లిమాటలతో ప్రజలను మోసపుచ్చుతున్నారని విమర్శించారు. ఎన్నికల సమయంలో ఇచ్చిన హామీలేవీ ఇటీవల ప్రవేశపెట్టిన బడ్జెట్‌లో లేవని ఆరోపించారు.

 నిరుపేద యువతులకు ఇచ్చే తాళికి బంగారం పథకాన్ని రద్దు చేశారని, ప్రభుత్వ రుణభారం విపరీతంగా పెరగిందని, అప్పుల ఊబిలో కొట్టుమిట్టాడుతున్న రాష్ట్రంగా పేరు తెచ్చుకుందని విమర్శించారు.

రాష్ట్రానికి చెల్లించాల్సిన రూ.16వేల కోట్ల జీఎస్టీ బకాయిలను విడుదల చేయకపోవడం వల్లే కేంద్ర ప్రభుత్వం నిర్వహించిన జీఎస్టీ సమావేశంలో పాల్గొనలేదని ఆర్థిక మంత్రి చెబుతున్నారని, అయితే ఇటీవల శాసనసభలో కేంద్రం రూ.6500 కోట్ల వరకూ జీఎస్టీ బకాయిలు చెల్లించనట్లు అధికారికంగా ప్రకటించారని గుర్తు చేశారు.

ఈ ధర్నాలో పార్టీ సీనియర్‌ నేతలు హెచ్‌ రాజా, కరాటే త్యాగరాజన్‌, దురైసామి, శాసనసభ్యులు ఎంఆర్‌గాంధీ, కరునాగరాజన్‌,  తదితరులు పాల్గొన్నారు.