ప్రపంచస్థాయి పరిశోధనలకు వేదికగా భారత్‌

టెక్నాలజీని మార్కెట్ తో జోడించి వ్యవసాయాన్ని లాభదాయకంగా మార్చేందుకు ఇక్రిశాట్ ఎంతో కృషి చేస్తుందని ప్రధాని అభినందించారు. సరికొత్త సంకల్పంతో ఇక్రిశాట్‌ మరింత ముందుకు సాగాలని మోదీ ఆకాక్షించారు. ఈ పరిశోధనలు చిన్న, మధ్య తరగతి రైతులకు ఎంతో ఉపయోగమని చెప్పారు.

తక్కువ నీటి వినియోగంతో ఎక్కువ ఉత్పాదకత సాధించాలని చెబుతూ  తెలంగాణ, ఆంధ్రప్రదేశ్ పంటల దిగుబడి గణనీయంగా ఉందని ప్రధాని తెలిపారు. ఇక్రిశాట్ పరిశోధనలు ప్రంపచానికి కొత్త దారి చూపించాలని అభిలాషను వ్యక్తం చేశారు. పంటకాలం తక్కువగా ఉండే వంగడాల సృష్టి మరింత జరగాలని పేర్కొంటూ వాతావరణ మార్పులకు తట్టుకునే వంగడాలను సృష్టించాలని ప్రధాని  పిలుపునిచ్చారు.

తెలుగు రాష్ట్రాల్లో సాగు విస్తీర్ణం పెరిగేందుకు ఇక్రిశాట్ పరిశోధనలు దోహదం చేయాలని ప్రధాని చెప్పారు. భారత్ లో 80 శాతం మంది చిన్న కమతాల రైతులు ఉన్నాయని గుర్తు చేస్తూ దేశంలో చిన్న రైతులు సంక్షోభం ఎదుర్కొంటున్నారని, చిన్న రైతుల సాగు వ్యయం తగ్గించాల్సిన అవసరం ఉందని ప్రధాని చెప్పారు.

 పంటల దిగుబడిపై వాతావరణ మార్పులు తీవ్ర ప్రభావం చూపిస్తాయన్న ఆయన దేశ వ్యవసాయ రంగ బలోపేతానికి శాస్త్రవేత్తలు మరింత కృషి చేయాలని పిలుపిచ్చారు. భారత్ లో 6 రుతువులు 15 రకాల వాతావరణ పరిస్థితులు ఉన్నాయని,  భారత్ లో 50 వరకు ఆగ్రో క్లైమేట్ జోన్లు ఉన్నాయని ప్రధాని వివరించారు.

ప్రధాని పర్యటనకు కేసీఆర్ దూరం