క్రూయిజ్ షిప్‌లో జ‌రిగిన డ్రగ్స్ పార్టీలో దొరికిన బాలీవుడ్ న‌టుడు షారూక్ ఖాన్ కుమారుడు ఆర్యన్ ఖాన్‌కు బెయిల్ దొరకలేదు. ఇవాళ కూడా కోర్టు అత‌నికి బెయిల్‌ను తిర‌స్క‌రించింది. ముంబైకి చెందిన ప్ర‌త్యేక ఎన్డీపీఎస్ కోర్టు ఈ కేసులో విచార‌ణ చేప‌ట్టింది.
ఆర్యన్ ఖాన్, అర్బాజ్ మెర్చంట్‌, మున్‌మున్ ధంచాలు పెట్టుకున్న బెయిల్ అభ్య‌ర్థ‌న‌ను కోర్టు తిర‌స్క‌రించింది. దానితో వారు బెయిల్ కోసం ముంబై హైకోర్టులో పిటీషన్ దాఖలు చేశారు. వారి పిటీషన్ గురువారం విచారణకు వచ్చే అవకాశం ఉంది.
23 ఏళ్ల ఆర్యన్ ఖాన్.. అక్టోబర్ 8వ తేదీ నుంచి ముంబైలో ఆర్ద‌ర్ రోడ్డు జైలులో శిక్ష‌ను అనుభ‌విస్తున్న విష‌యం తెలిసిందే. ఆర్య‌న్‌ను అక్టోబర్ మూడ‌వ తేదీన ఎన్సీబీ పోలీసులు అరెస్టు చేశారు.
క్రూయిజ్ షిప్‌లో పార్టీ జ‌రుగుతున్న స‌మ‌యంలో మారు దుస్తుల్లో వ‌చ్చిన ఎన్సీబీ ఆఫీస‌ర్లు త‌నిఖీలు చేశారు. అయితే ఆ త‌నిఖీల్లో ఆర్యన్ వ‌ద్ద డ్రగ్స్ దొర‌క‌లేద‌ని ఇవాళ కోర్టు ముందు అత‌ని త‌ర‌పు లాయ‌ర్లు వాదించారు. ఓ కొత్త హీరోయిన్‌తో ఆర్యన్ డ్రగ్స్ గురించి ఛాట్ చేసినట్టు ఎన్సీబీ అధికారులు బయటపెట్టడంతో తాజాగా మూడో సారి కూడా బెయిల్ దొరకలేదు.
More Stories
ఛత్తీస్‌గఢ్‌లో ఏడుగురు మావోయిస్టులు హతం
ప్రైవేటు వ్యక్తుల పక్షాన ప్రభుత్వం పిటిషన్‌ వేయడమా?
మూడు ప్రధాన విమానాశ్రయాలకు బాంబు బెదిరింపులు