శారీరక సంబంధం విఫలమైతే అత్యాచారంగా పరిగణించలేం

సంబంధాలు విఫలమైన ప్రతిసారీ క్రిమినల్ కేసులు నమోదు చేయడం వల్ల అత్యాచారం వంటి తీవ్రమైన నేరాల ప్రాధాన్యత తగ్గే ప్రమాదం ఉందని సుప్రీంకోర్టు హెచ్చరించింది. విఫలమైన ప్రేమ లేదా భాగస్వామ్య బంధాలను క్రిమినల్ చర్యలుగా మార్చే ధోరణి పెరుగుతోందని కోర్టు వ్యాఖ్యానించింది.

వివాహమై భార్య ఉన్న విషయం దాచిపెట్టి, మోసపూరితంగా సంతోష్ కుమార్ తనను మైసూర్‌లో పెళ్లి చేసుకున్నాడని ఓ మహిళ ఆరోపించింది. 1996 నుంచి 2003 వరకు తమ మధ్య శారీరక సంబంధం కొనసాగిందని, ఆయన తనను మోసం చేశారని, విశ్వాసఘాతుకానికి పాల్పడ్డారని పేర్కొంటూ పోలీసులకు ఫిర్యాదు చేయడంతో అత్యాచారం తదితర సెక్షన్ల కింద కేసు నమోదుచేశారు.