నిందితులైన తండ్రీకొడుకులు బలహీనంగా లేదా పాలివ్వని ఆవులను కొనుగోలు చేసి, గొడ్డు మాంసాన్ని అమ్మేందుకు వాటిని వధించేందుకు అహ్మదాబాద్ నుంచి నలుగురిని తమ ఇంటికి తీసుకువచ్చేవారని ప్రాసిక్యూషన్ ఆరోపించింది. 54 మంది సాక్షులు, 18 డాక్యుమెంటరీ సాక్ష్యాలను కోర్టుకు సమర్పించింది. మరోవైపు గాంధీనగర్ జిల్లా కోర్టు ఈ కేసుపై విచారణ జరిపింది. గోవుకు ఉన్న మతపరమైన ప్రాముఖ్యతను నొక్కిచెప్పడంతో పాటు హిందూ గ్రంథాలను ఉటంకించింది.
ఆవులను విశ్వమాతలుగా, విశ్వ శ్రేయస్సుకు మూలస్తంభాలుగా ప్రకటించే ప్రాచీన సంస్కృత గ్రంథమైన మనుస్మృతిలోని శ్లోకాలను ఉటంకిస్తూ, కలోల్ సెషన్స్ కోర్టు తన చారిత్రాత్మక తీర్పును ప్రారంభించింది. ఆవులను విశ్వమాతలుగా, విశ్వ శ్రేయస్సుకు మూలాలుగా పరిగణిస్తారని స్థాపించే సాంప్రదాయ సంస్కృత శ్లోకాలను సెషన్స్ జడ్జి బి.ఆర్. రాజ్‌పుత్ ఉదహరించారు.
ప్రాచీన సంస్కృత గ్రంథమైన ‘మనుస్మృతి’ ప్రకారం గోవు కేవలం ఒక జంతువు మాత్రమే కాదని, భౌతిక శ్రేయస్సుకు, ధర్మానికి మూలస్తంభంగా దానిని పరిగణిస్తారని కోర్టు తెలిపింది. ‘తపస్సు శక్తి వల్ల భూమిపై ‘అమృత’ బిందువులు పడినప్పుడు, దివ్య గోవు ‘కామధేనువు’ ఉద్భవించింది. భూమిపై ఉన్న సమస్త గో జాతికి ‘ఆది మాత’గా పరిగణిస్తారు. ఆవును ‘జగత్తుకు తల్లి’గా భావిస్తారు. ఇది 33 కోట్ల దేవతలకు నిలయంగా ఉంది. దాని నాలుగు కాళ్లు నాలుగు వేదాలకు ప్రతీక’ అని కోర్టు పేర్కొంది.
అలాగే ఆరుగురు నిందితులలో ముగ్గురిని దోషులుగా కోర్టు నిర్ధారించింది. వసీం ఖురేషి, మహమ్మద్ రఫీక్ ఖురేషి, అస్ఫాక్ బహేలింలకు జీవిత ఖైదుతో పాటు ఒక్కొక్కరికీ రూ.3 లక్షల చొప్పున జరిమానా విధించింది. అదనపు సెషన్స్ జడ్జి బి.ఆర్. రాజ్‌పుత్, అక్టోబర్ 26న ఈ తీర్పును వెలువరించారు.
గుజరాత్ ఉప ముఖ్యమంత్రి హర్ష్ సంఘవి ఈ తీర్పును స్వాగతించారు. రాష్ట్రంలో గోవధకు పాల్పడేవారిని చట్టం వదిలిపెట్టదనే స్పష్టమైన సందేశాన్ని ఈ తీర్పు ఇచ్చిందన్నారు. అయితే 1954 నాటి ‘గుజరాత్ పశు సంరక్షణ చట్టం’ను 2017లో సవరించారు. గోవధకు విధించే శిక్షను ‘జీవిత ఖైదు’గా గుజరాత్ ప్రభుత్వం పెంచింది. తద్వారా ఈ నేరానికి అలాంటి శిక్షను నిర్ణయించిన దేశంలోని మొదటి రాష్ట్రంగా గుజరాత్ నిలిచింది.
About The Author
More Stories
కేదార్‌నాథ్ ధామ్‌లో భారీగా మంచు… యాత్రికులకు హెచ్చరిక
యుపిలో హింసాత్మక ఆందోళనల్లో పాల్గొంటే ప్రభుత్వ ఉద్యోగాలు లేవు
తమిళనాడులో గుళ్లోకి వెళ్లాలంటే డిక్లరేషన్ తప్పనిసరి