మాదిరాజు రంగారావు సాహిత్యం మానవ జీవన విలువలకు ప్రతీక

సాహిత్యం సామాజిక మార్పుకు సాధనంగా నిలవాలని, సమాజంలో జరుగుతున్న దారుణాలపై సాహితీవేత్తలు స్పందించి సమాజాన్ని మంచి మార్గంలో నడిపించే బాధ్యత తీసుకోవాలని ఆయన ఈ సందర్భంగా పిలుపునిచ్చారు.  విశ్వనాథ సాహిత్య పీఠం అధ్యక్షులు డా. వెల్చాల కొండల్ రావు ప్రారంభోపన్యాసంలో మాదిరాజు రంగారావు స్వేచ్ఛా కవిత్వమంతా మానవతా దృక్పథంతో నిండి ఉందని తెలిపారు. తెలుగు విశ్వవిద్యాలయం మాజీ ఉపకులపతి ఆచార్య అనుమాండ్ల భూమయ్య ‘తెలంగాణ స్వరం’ కవితా సంపుటి ద్వారా ఆయన కవితా హృదయం, తెలంగాణ ఆత్మ ఆవిష్కృతమైందని పేర్కొన్నారు.

ప్రధానోపన్యాసకులు ఆచార్య కోవెల సుప్రసన్నాచార్య మాట్లాడుతూ, కాల్పనిక కవిత్వం తర్వాత అభ్యుదయ కవిత్వ ఉద్యమాల నడుమ స్వేచ్ఛా కవిత్వానికి ప్రత్యేక దిశను చూపిన కవి మాదిరాజు రంగారావు అని తెలిపారు. సాంస్కృతిక చైతన్యం, జాతీయ దర్శనం, ప్రకృతి, సామాన్య జీవితం వంటి అంశాలను ఆయన కవిత్వంలో సజీవంగా ప్రతిబింబించారని చెప్పారు.

తెలుగు అకాడమీ మాజీ సంచాలకులు ఆచార్య కె. యాదగిరి కన్వీనర్‌గా సభను నిర్వహించారు. ఆచార్య మాదిరాజు రంగారావు సాహిత్య వారసత్వాన్ని భావితరాలకు అందించాలనే సంకల్పంతో ఆయన కుమారుడు సంతోష్, కుమార్తెలు హరిత, చరిత కలిసి ఆచార్య మాదిరాజు రంగారావు రసధుని సాహితీ పరిషత్ ట్రస్ట్ ను  ఏర్పాటు చేశారని తెలిపారు.