బీజేపీ ఎన్నికల విజయాలపై అమెరికాలో సంబరాలు 

పశ్చిమ బెంగాల్‌లో బీజేపీ తొలిసారి సాధించిన చారిత్రాత్మక విజయంతో పాటు, అసోంలో వరుసగా మూడోసారి, పుదుచ్చేరిలో రెండోసారి ఎన్డీయే ప్రభుత్వాలు  ఏర్పడటం పట్ల సభలో ఉత్సాహభరిత వాతావరణం నెలకొంది. ప్రతి ఫలితాన్ని సభికులు ఘన చప్పట్లతో స్వాగతించారు.  భారత పార్లమెంట్ సభ్యులు మయాంక్ నాయక్  జూమ్ ద్వారా సభను ఉద్దేశించి ప్రసంగిస్తూ ప్రధాని నరేంద్ర మోదీ, కేంద్ర హోంమంత్రి అమిత్ షాల నాయకత్వంలో బీజేపీ ఎన్నో సంవత్సరాల పాటు కృషి చేసి ఈ విజయాన్ని సాధించిందని పేర్కొన్నారు. 

ఆఫ్ బీజేపీ-యూఎస్ఏ అధ్యక్షులు డా. అడపా ప్రసాద్ మాట్లాడుతూ, “భారత భద్రత మరియు సమగ్రత దృష్ట్యా బెంగాల్, అసోం విజయాలు ఎంతో కీలకం” అని తెలిపారు. భారతీయ జనసంఘ స్థాపకుడు డా. శ్యామా ప్రసాద్ ముఖర్జీ 75వ వార్షికోత్సవ సంవత్సరంలో బెంగాల్‌లో బీజేపీ విజయం సాధించడం చారిత్రాత్మకమని పేర్కొన్నారు. అలాగే కేరళలో కూడా బీజేపీ ఓట్ల శాతం మరియు స్థానాల్లో మంచి పురోగతి సాధించిందని చెబుతూ వచ్చే ఎన్నికల్లో అక్కడ కూడా బీజేపీ అధికారంలోకి వస్తుందని ఆశాభావం వ్యక్తం చేశారు.