జైలు నుండి గృహ నిర్బంధంకు ఆంగ్‌ ‌సాన్‌ ‌సూకీ

మయన్మార్‌ ‌మాజీ నేత ఆంగ్‌ ‌సాన్‌ ‌సూకీని జైలు నుండి గృహ నిర్బంధానికి తరలించారు. బౌద్ధ జయంతి సందర్భంగా ఖైదీలకు ప్రసాదించిన క్షమాభిక్షలో భాగంగా ఆమె శిక్షను 33ఏళ్ళ నుండి 18ఏళ్ళకు తగ్గించారు. మొత్తంగా 1519మంది ఖైదీలకు క్షమాభిక్ష ప్రసాదించారు. ఇంకా జైల్లో వున్నవారి శిక్షలను ఆరవ వంతుకు తగ్గించారు.  ఈ ప్రకటనతో పాటూ సాంప్రదాయ దుస్తుల్లో వున్న 80 ఏళ్ళ సూకీ చెక్క బెంచీపై కూర్చుని వుండగా, ఆమె ఎదురుగా ఇద్దరు గుర్తు తెలియని వ్యక్తులు మిలటరీ, పోలీసు యూనిఫారాలు ధరించి కూర్చుని వుండడం ఫోటోలో కనిపిస్తోంది.