శ్రీ లక్ష్మీ నరసింహస్వామి దేవస్థానంలో ధార్మిక సదస్సు 

అహోబిలం క్షేత్ర ప్రధాన అర్చకులు రమేష్ స్వామి, వివిధ పుణ్యక్షేత్రాల పెద్దలు పాల్గొని ప్రసంగించారు.  మార్చి 19 నుండి మార్చి 23 వరకు పేద వర్గాల బాల బాలికల విద్య ఆరంభానికి రాష్ట్రం లో నిర్వహించబోయే సామూహిక స్వచ్ఛంద అక్షరాభ్యాస కార్యక్రమాన్ని  ప్రతి హైందవుడు తన సాంస్కృతిక,  సంప్రదాయ బాధ్యత గా భావించాలని  డా. శ్రీనివాసులు అభ్యర్థించారు.

ఈ 105వ వార్షికోత్సవ వేడుకలకు శ్రీశైలం దేవస్థానం తరఫున, అహోబిలం మఠం వారు,ఆదోని శ్రీ  మహా లక్ష్మమ్మ అవ్వ దేవస్థానం వారు, ఎమ్మిగనూరు శ్రీ నీలకంఠేశ్వర స్వామి క్షేత్ర నిర్వాహకులు అందించిన ఆలయ మర్యాదలకు ధన్యవాదాలు తెలియజేశారు.  వెంకట దాసు వంశస్తులు ఈ ఆలయ ప్రధాన అర్చకులుగా నిత్యం దూప దీప నైవేద్యాలు నిర్వహించడం ఈ ఆలయ ప్రత్యేకత. ఈ సందర్భంగా డా.  శ్రీనివాసులు, ఆయన కుటుంబ సభ్యులు  సమీపంలోని తాత, అవ్వలు, మాతృమూర్తి సమాధి వద్ద ప్రత్యేక పూజలు నిర్వహించారు.