విద్వేష ప్రసంగాల బిల్లు ఆలోచన పట్ల బిజెపి ఆగ్రహం

కాంగ్రెస్ ప్రభుత్వం హిందువులను తిట్టేవాళ్లకు మద్దతుగా బిల్లు తెస్తోందని, హిందువులపై, సనాతన ధర్మంపై విమర్శలు చేసే వారిని, హిందూ ధర్మాన్ని, దేవీదేవతలను హేళన చేసే వారిని కాపాడేందుకు ఈ బిల్లు తీసుకురావాలని ప్రయత్నిస్తోందని ఆయన తీవ్రమైన ఆరోపణలు చేశారు. అందుకే బీజేపీ తీవ్రంగా వ్యతిరేకిస్తోందని స్పష్టం చేశారు.

ఈ చట్టం యొక్క అసలు లక్ష్యం హిందువులు ఏం మాట్లాడకుండా చేయడం, హిందూ ధర్మ స్వరాన్ని అణచివేయడమే అతను ఆయన ధ్వజమెత్తారు. “ముస్లిం ఈజ్ కాంగ్రెస్… కాంగ్రెస్ ఈజ్ ముస్లిం” అని మాట్లాడింది కూడా కాంగ్రెస్ నాయకులే అని ఆయన గుర్తు చేశారు. హిందూ ధర్మాన్ని, సనాతన ధర్మాన్ని, హిందూ దేవీదేవతలను హేళనగా, అసభ్యంగా మాట్లాడింది కూడా కాంగ్రెస్ పార్టీ, ఇండియా కూటమి భాగస్వాములే అని ఆయన విమర్శించారు.

గత బీఆర్ఎస్ పాలనలో జరిగిన అవినీతిని, ఫ్యూడలిజాన్ని, వారి పాలనా పనితీరును తెలంగాణ ప్రజలు స్పష్టంగా చూశారని ఆయన చెప్పారు. అందుకే బఆర్ఎస్ పార్టీని ప్రజలు మర్చిపోయారని తేల్చి చెప్పారు. కాబట్టి ఓటీపీ పాలిటిక్స్‌ను ప్రజలు నమ్మరని, తెలంగాణ రాష్ట్రంలో కాంగ్రెస్, బీఆర్ఎస్‌కు ప్రత్యామ్నాయం ఒక్క బీజేపీ పార్టీయే అని స్పష్టం చేశారు.