కాంగ్రెస్‌ లేకుంటే ముస్లింలకు దిక్కులేదా రేవంత్ రెడ్డి!

మంత్రి పదవులు సైతం ఎన్నికల లాభం కోసం మత ప్రాతిపదికన పంచడం సిగ్గుచేటని విమర్శించారు. కాగా, కాళేశ్వరం కుంభకోణం సీబీఐకి అప్పగించి మూడునెలలైనా అరెస్టులు చేయలేదని రేవంత్ రెడ్డి చేసిన వ్యాఖ్యలను ఆయన కొట్టిపారేశారు. కాళేశ్వరం కేసును ఏడాదిన్నర పాటు సాగదీసి కొండను తవ్వి ఎలుకను పట్టిన చందంగా వ్యవహరించిన రేవంత్ సర్కారు అసలు ఉద్దేశ్యం ఏమిటి? అని ఆయన ప్రశ్నించారు.

అధికారంలోకి రాకముందు“అన్ని అవినీతి ఆధారాలు నా దగ్గర ఉన్నాయి, కేసీఆర్ జైలుకెళ్తాడు” అని పెద్ద గోల చేసిన రేవంత్, ఇప్పుడు అధికారంలోకి వచ్చాక మాత్రం చేతులు దులుపుకుని, కేవలం రెండు బ్యారేజీలపైనే సీబీఐ విచారణ జరపాలనడం వెనుక ఉన్న రహస్యం బీఆర్ఎస్ అవినీతి నాయకులను కాపాడే ప్రయత్నమే అని రామచందర్ రావు ఆరోపించారు.