ఎస్‌ఐఆర్‌పై కాంగ్రెస్ దుష్ప్రచారాన్ని తిప్పికొట్టండి

దేశవ్యాప్తంగా కాంగ్రెస్ పార్టీ పచ్చి అబద్ధాలతో ఒక ఫాల్స్ నెరేటివ్‌ను సృష్టించి ప్రజలను తప్పుదోవ పట్టించే కుట్ర చేస్తోందని పేర్కొంటూ ఎస్‌ఐఆర్ ప్రక్రియపై వీళ్లు సాగిస్తున్న దుష్ప్రచారానికి హద్దు, అదుపు లేకుండా పోయిందని ధ్వజమెత్తారు.  కాంగ్రెస్ ప్రతినిధి బృందం రాష్ట్రపతిని కలిసిన తర్వాత, బయటకు వచ్చిన రాహుల్ గాంధీ తాము చెప్పిన ఆరోపణలకు రాష్ట్రపతి గారు ఆధారాలు అడిగారని స్వయంగా చెప్పారని ఆయన గుర్తు చేశారు.

తీరా చూస్తే వాళ్ల దగ్గర సమర్పించడానికి ఎలాంటి ప్రూఫ్స్ లేవని ఎద్దేవా చేశారు. చేతిలో ఒక్క ఆధారం కూడా లేకపోయినా, చివరకు దేశ అత్యున్నత రాజ్యాంగ పదవిలో ఉన్న గౌరవ రాష్ట్రపతి గారే ఓటు చోరీని ఒప్పుకున్నారంటూ సిగ్గులేకుండా ప్రచారం మొదలుపెట్టారని దుయ్యబట్టారు. ఆధారాలు చూపించలేని వీళ్లు, అబద్ధాలను అంటగట్టడం కాంగ్రెస్ దిగజారుడు రాజకీయాలకు నిదర్శనం అంటూ విమర్శించారు.

ఎవరికైనా ఓటు లేకపోయినా, స్థానచలనం చెందినా తిరిగి నమోదు చేసుకోవడానికి ఫారమ్-6 ద్వారా దరఖాస్తు చేసుకునే స్పష్టమైన అవకాశం కల్పించారని స్పష్టం చేశారు.
ఈ మొత్తం ఎస్‌ఐఆర్ ప్రక్రియలో దేశవ్యాప్తంగా అన్ని రాజకీయ పార్టీలకు చెందిన దాదాపు 35 లక్షల మంది బూత్ లెవల్ ఏజెంట్లు స్వయంగా భాగస్వామ్యమయ్యారని ఆయన గుర్తు చేశారు.  ఇంతటి పారదర్శక ప్రక్రియను కూడా, కేవలం రాజకీయ లబ్ధి కోసం, ఓటమి భయంతో కాంగ్రెస్ కావాలని తప్పుడు కథనాలతో ప్రశ్నించడం వారి దిగజారుడుతనానికి నిదర్శనం అని తెలిపారు.