అమెరికా, సింగపూర్‌లలో కేటీఆర్‌ పెట్టుబడులు?

‘‘కేటీఆర్‌కు వందల ఎకరాల భూములు, జూబ్లీహిల్స్‌, బంజారా హిల్స్‌లో బంగళాలు ఉన్నాయి. అమెరికా, సింగపూర్‌లలో పెట్టుబడులూ ఉన్నాయి. ఒకనాటి దుబాయి పాస్‌పోర్ట్‌ బ్రోకర్‌ కొడుక్కి ఇన్ని వేల కోట్ల ఆస్తులు ఎట్ల వచ్చినయి? సిరిసిల్ల నుంచి దుబాయికి వెళ్లిన కార్మికుల బతుకులు ఎట్లున్నయి? సిరిసిల్ల ఓట్లు పచ్చనోట్లుగా మారి వేల కోట్ల విలువైన ఆస్తులు ఎట్ల వచ్చినవో ఒక్కసారి ఆలోచన చేయండి’’ అంటూ సిరిసిల్ల ప్రజల్ని ఉద్దేశించి రేవంత్‌ పేర్కొన్నారు. 

కేటీఆర్‌ను భజాన మోసిన ఈ ప్రాంత ప్రజల బతుకులు అట్లాగే ఉన్నాయని, చేనేత కార్మికుల బతుకులు చితికిపోయాయని ఆవేదన వ్యక్తం చేశారు. సిరిసిల్లలో కాంగ్రెస్‌ పార్టీకి ఒక్కసారి అవకాశం ఇస్తే ఇక్కడి నుంచి గెలిచిన బిడ్డ క్యాబినెట్లో మంత్రి అయి వస్తారని ప్రకటించారు. పెద్ద కొడుకులా తోడుండి కష్టాలు తీరుస్తారని హామీ ఇచ్చారు. బీఆర్‌ఎస్‌ పార్టీకి, కేసీఆర్‌, కేటీఆర్‌లకు గతమే తప్ప భవిష్యత్తు ఉండబోదని రేవంత్‌ జోస్యం చెప్పారు. సిరిసిల్లలో ఇక బీఆర్‌ఎస్‌ జెండా ఎగరబోదని, రాష్ట్రంలో 2034 వరకూ తమ ప్రజా పాలననే ప్రజలు అధికారంలో ఉంచుతారని ధీమా వ్యక్తం చేశారు.