దేశంలోనే తొలి ఎల్ఎన్‌జీ రైలు ప్రారంభించిన అమిత్ షా

డీజిల్ వినియోగంలో సుమారు 40 శాతాన్ని ఎల్‌ఎన్‌జీతో భర్తీ చేస్తుందని చెప్పారు. డీజిల్ వినియోగం, ఇంధన ఖర్చులు, ఉద్గారాలను తగ్గించడమే లక్ష్యంగా ఎల్ఎన్‌జీ రైలును ప్రవేశపెట్టిన‌ట్లు పేర్కొన్నారు. రైల్వేలలో డీజిల్ వినియోగం 2015–16లో 293 కోట్ల లీటర్ల నుండి 2024–25 నాటికి 108 కోట్ల లీటర్లకు తగ్గిందని అమిత్ షా పేర్కొన్నారు. రైల్వే విద్యుదీకరణ గణనీయంగా విస్తరించిందని, 2014కు ముందు సుమారు 30 శాతంగా ఉన్న ఇది ప్రస్తుతం 99.6 శాతానికి చేరిందని, మిగిలిన 0.4 శాతం పనులు కూడా త్వరలోనే పూర్తవుతాయని ఆయన తెలిపారు.

రైల్వే విద్యుదీకరణ 2010–11లో 7,188 కిలోమీటర్ల నుండి 2023–24 నాటికి 7,188 కిలోమీటర్లకు పెరిగిందని కేంద్ర మంత్రి షా చెప్పారు. ఈ సందర్భంగా అమిత్ షా ప్రారంభించిన ప్రాజెక్టులలో డబ్ల్యుఏజి-12 నిర్వహణ షెడ్, సబర్మతి–కలోల్–సబర్మతి మార్గంలో ‘కవచ్’ రైలు రక్షణ వ్యవస్థ ఏర్పాటు, అలాగే అహ్మదాబాద్–పాలన్‌పూర్, అహ్మదాబాద్–సమఖియాలి మార్గాల్లో కవచ్‌ సంబంధిత పనుల ప్రారంభం వంటివి ఉన్నాయి.

ప్రభుత్వ సమాచారం ప్రకారం, సబర్మతి–కలోల్–సబర్మతి కవచ్ ప్రాజెక్టును రూ. 48 కోట్ల వ్యయంతో చేపట్టారు. సబర్మతి–సర్ఖేజ్ రైల్వే లైన్ డబ్లింగ్ (రెండు లైన్ల విస్తరణ) పనులు కూడా ప్రారంభమయ్యాయి.