స్వాతంత్ర్య దినోత్సవం సందర్భంగా జరిగిన ఒక కార్యక్రమంలో కాంగ్రెస్ నాయకురాలు సోనియా గాంధీ జాతీయ గీతం ‘వందేమాతరం’ను మధ్యలోనే ఆపేశారని ఆరోపిస్తూ, కేంద్ర హోంమంత్రి అమిత్ షా ఆమెను తీవ్రంగా విమర్శించారు. ఢిల్లీలోని పార్టీ ప్రధాన కార్యాలయంలో కాంగ్రెస్ నాయకత్వం జాతీయ గీతం పట్ల తీవ్ర అగౌరవం ప్రదర్శించిందని పేర్కొంటూ ఈ సందర్భంగా ప్రతిపక్షం క్షమాపణ చెప్పాలని ఆయన డిమాండ్ చేశారు.
“గీతం పాడుతుండగా, కాంగ్రెస్ నాయకురాలు సోనియాజీ కాంగ్రెస్ అధ్యక్షురాలిని దానిని ఆపమని కోరారు. ఈ సంఘటనను మనమందరం టీవీలో చూశాం,” అని షా తెలిపారు. “వందేమాతరం గీతాన్ని అసంపూర్తిగా వదిలేయాలని ఎవరైనా ఎలా ఊహించగలరు? కాంగ్రెస్ సభ్యులు సిగ్గుపడాలి,” అని రాజస్థాన్లోని చిత్తోర్గఢ్లో జరిగిన ఒక బహిరంగ సభలో షా విమర్శించారు.
ఓటు బ్యాంకు రాజకీయాలపై కాంగ్రెస్ ఆధారపడటం వల్ల, జాతీయ గీతంతో ముడిపడి ఉన్న త్యాగాలను అది మరచిపోయేలా చేసిందని ఆయన ధ్వజమెత్తారు. “వేలాది మంది ప్రజలు ఉరిశిక్షను స్వీకరించారు, తూటాలను, లాఠీ ఛార్జీలను ఎదుర్కొన్నారు, సంవత్సరాల తరబడి జైలు శిక్ష అనుభవించారు. వారిలో కొంచెమైనా సిగ్గు మిగిలి ఉంటే, వారు చేతులు జోడించి బంకిం బాబుకు, దేశ ప్రజలకు క్షమాపణ చెప్పాలి. సోనియా జీ, ప్రజలు మిమ్మల్ని చూస్తున్నారు. ఈ దేశ ప్రజలు దీనిని ఎప్పటికీ క్షమించరు,” అని షా హెచ్చయించారు.
అయితే, పార్టీ అధ్యక్షుడు మల్లికార్జున్ ఖర్గే కోసం సోనియా గాంధీ కుర్చీని చూపిస్తూ సైగ చేశారని కాంగ్రెస్ ఈ ఆరోపణను ఖండించింది. కాంగ్రెస్ అధికార ప్రతినిధి ఉదిత్ రాజ్ ఈ ఆరోపణలను తోసిపుచ్చుతూ ప్రజల దృష్టి మరల్చడానికి అధికార బీజేపీ ఒక బూటకపు వివాదాన్ని సృష్టిస్తోందని ఆరోపించారు. “ఇదంతా పచ్చి అబద్ధం. సోనియా గాంధీ అలా చేయలేదు. మా కాంగ్రెస్ అధ్యక్షుడి ఆరోగ్యం బాగాలేదు; ఆయన ఎక్కువ సేపు నిలబడలేరు… అందుకే, సోనియా గాంధీ వందేమాతరం గీతాన్ని ఆపమని కాదు, సభా నిర్వహణ విషయంలో సైగ చేశారు,” అని రాజ్ స్పష్టం చేశారు.
అయితే, కాంగ్రెస్ ఇచ్చిన వివరణను అంగీకరించడానికి బీజేపీ నిరాకరించింది. జాతీయ గీతం పట్ల సోనియా, ఖర్గే, రాహుల్ గాంధీ ప్రదర్శించిన ‘తీవ్రమైన అగౌరవం’ పట్ల వారు దేశానికి క్షమాపణ చెప్పాలని ఆ పార్టీ పేర్కొంది.
More Stories
‘ఛాత్రోన్ కి గూంజ్’లో రాహుల్ వ్యాఖ్యలపై బిజెపి నేతల మండిపాటు
అయోధ్యలో కాంగ్రెస్ `చేపల విందు’ ఏర్పాటుపై దుమారం
రాహుల్ “మనుస్మృతి మనస్తత్వం” వ్యాఖ్యలపై వీహెచ్పీ ఆగ్రహం