పోలవరంలో వేగం కనిపించని పనులు, నిధుల వ్యయంలో జాప్యం!

పశ్చిమాసియాలో యుద్ధం కారణంగా జిలెటిన్‌ స్టిక్స్‌ దిగుమతి నిలిచిపోయిందని సాయిప్రసాద్‌ తెలిపారు. డీజిల్‌ కొరత సమస్య ప్రాజెక్టుపై పడిందని తెలిపారు.

రోజూ బల్క్‌లో 50,000 లీటర్ల డీజిల్‌ అవసరం కాగా, రెండు వారాలుగా ఏడెనిమిది వేల లీటర్లలోపే అందుతోందని చెప్పారు. డీజిల్‌, జిలెటిన్‌ స్టిక్స్‌ వంటి సమస్యలు ఎదురైనప్పుడు తక్షణం తమదృష్టికి తీసుకురాకపోతే, అవి పరిష్కారమెలా అవుతాయని కాంతారావు ప్రశ్నించారు. బల్క్‌ డీజిల్‌పై ఏలూరు కలెక్టరుతో మాట్లాడి పరిష్కరించుకోవాలని సూచించారు. జిలెటిన్‌ స్టిక్స్‌ దిగుమతిపై సంబంధిత శాఖలతో సమన్వయం చేసుకోవాలని పీపీఏని ఆదేశించారు.

తొలి దశ పనులు 2027 జూన్‌ నాటికి పూర్తి చేయాలన్న రాష్ట్ర ప్రభుత్వ లక్ష్యం నెరవేరేందుకు తగు సహకారం అందించాలని కాంతారావు ఆదేశించారు. ప్రాజెక్టు పూర్తికి నిధుల కొరత ఉండదని, ఇప్పటికే అడ్వాన్సుగా ఇచ్చిన రూ.2,800 కోట్లలో 75 శాతం ఖర్చుపెడితే మరో 3,300 కోట్లు విడుదల చేస్తామని హామీ ఇచ్చారు.  సీఎస్ఎంఆర్‌ఎస్‌ అధికారులు నెలలో రెండు సార్లయినా ప్రాజెక్టును సందర్శించాలని స్పష్టం చేశారు. ముంపు సమస్యపై ఒడిసా, ఛత్తీ్‌సగఢ్‌, తెలంగాణ అభ్యంతరాల పరిష్కారానికి కేంద్రం చొరవ తీసుకుంటుందని పేర్కొంటూ ప్రాజెక్టు పనులను వేగవంతం చేయడంపై అధికారులు దృష్టి సారించాలని సూచించారు.