ఏపీలో పెట్రోల్‌ బంకుల వద్ద నో స్టాక్‌ బోర్డులు

అమెరికా-ఇరాన్ యుద్ధం తీవ్రమవుతుందని, ఇంధన కొరత ఏర్పడుతుందని సోషల్ మీడియాలో ఆందోళనకరమైన పోస్టులు రావడంతో వారాంతంలో ప్రజలు భయాందోళనలతో ఇంధనాన్ని కొనుగోలు చేశారని ప్రభుత్వ వర్గాలు తెలిపాయి. పలు ప్రాంతాల్లో వేలాది మంది పెట్రోల్ బంకుల బయట బారులు తీరి, అవసరానికి మించి ఇంధనాన్ని కొనుగోలు చేశారని అధికారులు తెలిపారు.

సాధారణ రోజుల్లో రోజుకు 6,330 కిలో లీటర్ల పెట్రోల్‌, 9,048 కిలో లీటర్ల డీజిల్‌ అమ్మకాలు జరుగుతాయని అధికారులు వివరించారు. కొరత ఉందనే ఆందోళనతో కొనుగోళ్లు భారీగా పెరిగాయని తెలిపారు. శనివారం 10,345 కిలో లీటర్ల పెట్రోల్‌.. 14,156 కిలో లీటర్ల డీజిల్‌ అమ్మకం జరిగినట్లు అధికారులు వివరించారు. సాధారణ అమ్మకం కంటే ఒక్కసారిగా 50 శాతం అమ్మకాలు పెరగడంతో బంకుల్లో నిల్వలు అయిపోతున్నాయని, అధికారులు వివరించారు.