నీతి ఆయోగ్ నూతన వైస్ ఛైర్మన్ గా అశోక్ లాహిరీ

కేవలం వైస్ ఛైర్మన్ మాత్రమే కాకుండా, నీతి ఆయోగ్ పాలక మండలిలో పలు కీలక నియామకాలు జరిగాయి. రాజీవ్ గౌబా, ప్రొఫెసర్ కేవీ రాజు, ప్రొఫెసర్ గోవర్ధన్ దాస్, డాక్టర్ శ్రీనివాస్, ప్రొఫెసర్ అభయ్ కరణ్‌కర్ లు నీతి ఆయోగ్ పూర్తిసమయ సభ్యులుగా నియమితులయ్యారు.  వివిధ రంగాల్లో నిష్ణాతులైన వీరందరితో కూడిన ఈ కొత్త బృందం సోమవారం నుంచి అధికారికంగా బాధ్యతలు చేపట్టే అవకాశం ఉంది. 

రాబోయే కాలంలో దేశాభివృద్ధికి అవసరమైన రోడ్ మ్యాప్‌ను సిద్ధం చేయడంలో ఈ బృందం కీలక పాత్ర పోషించనుంది. నూతనంగా నియమితులైన వైస్ ఛైర్మన్ మరియు సభ్యుల వివరాలను ప్రకటిస్తూ ప్రధానమంత్రి నరేంద్ర మోదీ వారికి ప్రత్యేక అభినందనలు తెలిపారు.  ‘వికసిత్ భారత్’ లక్ష్య సాధనలో నీతి ఆయోగ్ పాత్ర ఎంతో కీలకమని, కొత్త బృందం తమ మేధస్సుతో దేశాభివృద్ధిని పరుగులు పెట్టిస్తుందని ఆయన ఆకాంక్షించారు. ముఖ్యంగా రాష్ట్రాలతో సమన్వయం చేసుకుంటూ, క్షేత్రస్థాయిలో ప్రభుత్వ పథకాలు సమర్థవంతంగా అమలు జరిగేలా చూడటం ఈ కొత్త బృందం ముందున్న ప్రధాన సవాలు.