కాంగ్రెస్ ఆధునిక కాలపు “ధనానంద వంశం” 

కాంగ్రెస్, ఎస్పీ, టీఎంసీ వంటి కుటుంబ పార్టీలలో సామాన్య మహిళలకు గౌరవం ఉండదని, కేవలం తమ వారసుల ఎదుగుదల కోసమే అవి పనిచేస్తాయని విమర్శించారు. నల్లగొండలో నిర్వహించిన ‘మహిళా జన్ ఆక్రోశ సభ’లో ఆయన ముఖ్య అతిథిగా పాల్గొంటూ మహిళా రిజర్వేషన్ల వల్ల దక్షిణ భారతదేశానికి నష్టం జరుగుతుందంటూ ప్రతిపక్షాలు చేస్తున్న ప్రచారాన్ని గణాంకాలతో సహా తిప్పికొట్టారు.

మహాలక్ష్మి కింద రూ.2500 చొప్పున నగదు, కళ్యాణమస్తు కింద పెళ్లైన ఆడబిడ్డలకు తులం బంగారం, 18 ఏళ్లు నిండిన విద్యార్థినులకు ఉచిత స్కూటీలు, వృద్ధులు, దివ్యాంగులు, ఒంటరి మహిళలకు పెన్షన్ పెంపు.. ఇలా ఏ ఒక్క హామీని కూడా అమలు చేయకుండా మహిళలను కాంగ్రెస్ వంచించిందని ఆగ్రహం వ్యక్తం చేశారు.  ప్రధాని నరేంద్ర మోదీ  పాలనలో దేశంలో ప్రతి ఇంటికి శౌచాలయాలు, తాగునీరు అందుతుంటే తెలంగాణలో కాంగ్రెస్ ప్రభుత్వం ప్రజలకు కేవలం మోసం, మోసం, మోసం మాత్రమే చేస్తోందని ఎద్దేవా చేశారు.

1990లో రాజీవ్ గాంధీ గారు స్వయంగా ఓబీసీ రిజర్వేషన్లను వ్యతిరేకించిన చరిత్రను గుర్తుచేస్తూ, కాంగ్రెస్‌ది మొదటినుంచీ ఓబీసీ వ్యతిరేక మనస్తత్వమని పేర్కొన్నారు. నల్లగొండ జిల్లాలో అధికార కాంగ్రెస్ నాయకుల ప్రమేయంతో రైస్ మిల్ వ్యాపారంలో కోట్ల రూపాయల అవినీతికి పాల్పడుతున్నారని మండిపడ్డారు.  కాళేశ్వరం ప్రాజెక్టుపై ముఖ్యమంత్రి రేవంత్ రెడ్డి వైఖరిని తప్పుబడుతూ.. “లక్ష కోట్ల అవినీతిపై సీబీఐ విచారణ అని చెప్పి, ఇప్పుడు కేవలం రూ.9000 కోట్ల అంశాలనే ఎందుకు ఇచ్చారు? మిగిలిన వేల కోట్లపై కమిషన్లు తీసుకున్నారా?” అని నిలదీశారు. కాంగ్రెస్ పార్టీ మహిళా వ్యతిరేక వైఖరికి తెలంగాణ ప్రజలు త్వరలోనే తగిన బుద్ధి చెబుతారని ఆయన హెచ్చరించారు.

మహిళా జన్ ఆక్రోశ సభలో బిజెపి నల్లగొండ జిల్లా అధ్యక్షుడు నాగం వర్షిత్ రెడ్డి, బిజెపి రాష్ట్ర అధికార ప్రతినిధి రాహుల్ సరిదెన, మహిళా మోర్చా జిల్లా అధ్యక్షురాలు కాసమ్మ   తదితరులు   పాల్గొన్నారు