రామగుండంలో రానున్న ఎన్టీపీసీ ప్లాంట్ విద్యుత్ కొనాలి!

ముఖ్యమంత్రి రేవంత్ రెడ్డి ఈ విషయంలో చొరవ తీసుకోవాలని కోరుతూ ఆయనకు ఓ లేఖ వ్రాసారు. రామగుండంలో ఎన్టీపీసీ ఏర్పాటు చేయవలసిన 4,000 మెగావాట్ల థర్మల్ పవర్ ప్రాజెక్టుకు సంబంధించి రెండో దశలో  భాగంగా 3X800=2,400 మెగావాట్ల సామర్థ్యంతో మిగిలిన మూడు పవర్ ప్రాజెక్టులను పూర్తి చేయడానికి ఎన్టీపీసీ చర్యలు చేపట్టిందని తెలిపారు. 

మొదటి దశలో లాగే రెండవ దశలో కూడా ఉత్పత్తి చేసే విద్యుత్ లో 85% విద్యుత్ ను తెలంగాణ రాష్ట్రానికి మాత్రమే సరఫరా చేయనుందని ఆయన స్పష్టం చేశారు.  3 మార్చి, 2026 న తెలంగాణ రాష్ట్రంలో మునుపెన్నడూ లేనివిధంగా అత్యధికంగా 18,139 మెగావాట్ల విద్యుత్ డిమాండ్ నమోదయ్యిందని,  రానున్న రోజులలో ఈ డిమాండ్ మరింతగా పెరగనుందని తెలిపారు.