ఈనెల 7న చండీగఢ్లోని సెక్టార్ 11లోగల తన నివాసంలో కుర్చీలో కూర్చుని సర్వీస్ రివాల్వర్తో పేల్చుకుని పూరన్ కుమార్ ఆత్మహత్య చేసుకున్నారు. వీలునామాతోపాటు ఓ సూసైడ్ నోట్ని కూడా పోలీసులు స్వాధీనం చేసుకున్నారు. సూసైడ్ నోట్లో ఉద్యోగానికి సంబంధించి తాను ఎదుర్కొంటున్న సమస్యలు, అసంతృప్తిని ఆయన ప్రస్తావించారు. జపాన్ పర్యటనలో ఉన్న ఆయన భార్య భర్త ఆత్మహత్య విషయం తెలుసుకోగానే వెంటనే తిరిగి వచ్చి తన భర్త కుల వివక్ష, ఉన్నతాధికారుల వేధింపుల వల్లే ఆత్మహత్య చేసుకున్నారని ఆరోపిస్తూ ముఖ్యమంత్రి నాయబ్ సింగ్ సైనీకి లేఖ రాశారు.
ఆ మేరకు హరియాణా డీజీపీ శత్రుజీత్ సింగ్ కపూర్, రోహ్ తక్ ఎస్పీ నరేంద్ర బిజార్నియాలపై చండీగఢ్ పోలీసులకు ఫిర్యాదు చేశారు. తన భర్త ఆత్మహత్య ఉన్నత స్థాయి అధికారుల క్రమబద్ధమైన హింస ఫలితమని పేర్కొంటూ వారిద్దరిపై ఎఫ్ఐఆర్ నమోదు చేసేవరకు తన భర్త మృతదేహం శవపరీక్షకు అనుమతిపబోమని ఆమె స్పష్టం చేశారు. కాగా, దళిత ఐపీఎస్ అధికారి వై పురాణ్ కుమార్ ఆత్మహత్యను జాతీయ షెడ్యూల్డ్ కులాల కమిషన్ సుమోటోగా స్వీకరించింది. చండీగఢ్ ప్రధాన కార్యదర్శి, చండీగఢ్ పోలీసు డిజిపికి నోటీసు జారీ చేసి, ఏడు రోజుల్లోగా తీసుకున్న చర్యల నివేదికను సమర్పించాలని కోరింది.
మరోవైపు బుధవారం సాయంత్రం అమ్నీత్ కుమార్ తన భర్త పురాన్ కుమార్ రాసిన ఎనిమిది పేజీల ఆత్మహత్య నోట్ను చూపిస్తూ సెక్టార్ 11 చండీగఢ్ పోలీస్ స్టేషన్లో ఫిర్యాదు చేశారు. కుల వివక్ష, వేధింపులు, తన భర్తను తప్పుడు కేసుల్లో ఇరికించడానికి కుట్ర పన్నారని ఆరోపించారు.
“నా భర్త మరణవార్త విని నేను జపాన్ నుంచి త్వరగా తిరిగి రావాల్సి వచ్చింది. అక్కడ ముఖ్యమంత్రి నాయబ్ సింగ్ సైనీ నేతృత్వంలోని హరియాణా ప్రభుత్వ ప్రతినిధి బృందంలో నేనున్నాను. జపాన్ నుంచి వచ్చిన తర్వాత నా భర్త ల్యాప్ టాప్ బ్యాగ్ లో ఆత్మహత్య నోట్ రెండో కాపీ దొరికింది. నా భర్త ఎస్సీ/ఎస్టీ వర్గానికి చెందిన వ్యక్తి కాబట్టి ఆయనను నిరంతరం అవమాన పరిచారు. ఆయన కుల వివక్షకు గురయ్యారు” అని ఆమె వెల్లడించారు.
“హరియాణా డీజీపీ శత్రుజీత్ సింగ్ కపూర్, రోహ్ తక్ ఎస్పీ రేంద్ర బిజార్నియా సూచనల మేరకు అర్బన్ ఎస్టేట్ పోలీస్ స్టేషన్ లో తప్పుడు ఎఫ్ఐఆర్ దాఖలు చేశారు. ఈ కేసు నా భర్తను మరింత బాధపెట్టింది. ఈ విషయాన్ని డీజీపీ, ఎస్పీలతో చర్చించడానికి తన భర్త చేసిన ప్రయత్నాలు విఫలమయ్యాయి. ఫలితంగా ఆయన మనస్తాపంతో ఈ కఠినమైన చర్య తీసుకోవలసి వచ్చింది” అని ఆమె తెలిపారు.
“నా భర్త ఆత్మహత్య నోట్ ను ఫిర్యాదును సమయంలో పోలీసులకు అందించాను. డీజీపీ, ఎస్పీ నా భర్తను వేధించి, ఆత్మహత్య చేసుకోవడానికి ప్రేరేపించారు. దళిత కుటుంబం నుంచి వచ్చిన నా భర్త నిష్కళంకమైన సమగ్రత, అసాధారణ ప్రజా స్ఫూర్తి కలిగిన అధికారి.” అని పురాణ్ కుమార్ భార్య, ఐఏఎస్ అమ్మీత్ కుమార్ తెలిపారు. తన భర్తను సీనియర్ అధికారులు ఏళ్ల తరబడి క్రమబద్ధమైన అవమానం, వేధింపులు, హింసకు గురిచేశారని ఐఏఎస్ అమ్నీత్ కుమార్ ఆరోపించారు. పురాన్ చాలా సార్లు తనకు జరిగిన అవమానం, అన్యాయం, కుల వివక్ష గురించి పలుమార్లు ఫిర్యాదు చేశారని గుర్తు చేశారు.
More Stories
శ్యామ ప్రసాద్ ముఖర్జీ సహాయకుడికి మోదీ పాదాభివందనం!
రూ.100 కోట్ల పిఎంఎల్ఏ కేసులో పంజాబ్ మంత్రి సంజీవ్ అరోరా అరెస్ట్
బెంగాల్ ముఖ్యమంత్రిగా సువేందు అధికారి ప్రమాణ స్వీకారం