వికసిత్ భారత్ సాధనకు 10 శాతం జిడిపి వృద్ధి

దీంతోపాటు ఇంజినీరింగ్‌ సరకులు, ఆటో విడిభాగాల రంగం, రసాయన పరిశ్రమ రంగాన్ని డీల్‌లో భాగం చేస్తే అవి లాభపడే అవకాశం ఉందని భావిస్తున్నట్లు పేర్కొన్నారు. రెండు దేశాల మధ్య వాణిజ్య ఒప్పందం టెక్నాలజీ బదిలీలు, మరిన్ని జాయింట్ వెంచర్లు, భాగస్వామ్యాలకు కూడా మార్గం సుగమం చేస్తుందని పేర్కొన్నారు. కాబట్టి ముందుగా ఉన్న అనిశ్చితి తొలగిపోతుందని తాను భావిస్తున్నట్లు తెలిపారు.

భవిష్యత్తులో ఏమి జరుగుతుందో ప్రజలకు స్పష్టమైన దిశానిర్దేశం లభిస్తుందని చెప్పారు. అమెరికాలోని డొనాల్డ్ ట్రంప్‌ సర్కార్‌ ప్రతీకార పన్నులపై విరామానికి ఇచ్చిన 90 రోజుల గడువు మరి కొద్ది రోజుల్లో ముగియనుంది. ఈ నేపథ్యంలో రాజీవ్‌ మెమాని వ్యాఖ్యలు వెలువడటం గమనార్హం. ట్రంప్‌ భారత్‌పై 26 శాతం టారిఫ్‌లను విధించగా, జులై 9 కంటే ముందే మధ్యంతర ట్రేడ్‌ డీల్‌ను ప్రకటించే అవకాశం ఉందని భావిస్తున్నారు.

రాజీవ్ మెమానీ ప్రత్యేకంగా ఆటోమొబైల్ రంగంలో సవాళ్లను గుర్తించినట్లు తెలిపారు. భారతదేశానికి అనుకూలమైన నిబంధనలను పొందడంలో విఫలమైతే, మెక్సికో ప్రాథమిక లబ్ధిదారుగా ఉంటుందని, వియత్నాంకు కూడా కొన్ని సంభావ్య లాభాలు ఉంటాయని మెమానీ అంచనా వేశారు. “గరిష్ఠ ప్రత్యామ్నాయం మెక్సికో నుంచి వస్తుంది. వియత్నాంకు కూడా కొంత అవకాశం ఉంటుంది” అని ఆయన అన్నారు. ప్రస్తుత వాణిజ్య సంబంధాలు భారత పోటీతత్వాన్ని ఎలా ప్రభావితం చేస్తాయో చూడాలని ఆయన పేర్కొన్నారు.