అమరావతి రద్దీ దృష్ట్యా పేరేచర్ల- మంగళగిరి మధ్య రైల్వేలైన్‌

మరోవంక, ప్రత్యేక సరకు రవాణా కారిడార్: మరోవైపు ప్రయాణికుల రైళ్లు తిరిగే మార్గాల్లోనే సరకు రవాణా సైతం చేస్తుండటంతో అనేక ఇబ్బందులు ఎదురవుతున్నాయి. పేరేచర్ల- విజయవాడ వెళ్లే మార్గంలో ఈ సమస్య ఎక్కువగా ఉంది. ఈ సమస్యకు శాశ్వత పరిష్కారం చూపేందుకు పేరేచర్ల నుంచి పొన్నెకల్లు మీదుగా మంగళగిరి వరకు ప్రత్యేక సరకు రవాణా నడవా ఏర్పాటు చేయాలని అధికారులు నిర్ణయించారు.

పేరేచర్ల- మంగళగిరి మధ్య కొత్త రైల్వే లైను నిర్మాణానికి సంబంధించిన సర్వే ప్రస్తుతం తుది దశలో ఉంది. అదే విధంగా ఆర్‌వోఆర్‌ వంతెన సర్వే పనులు పూర్తి కావస్తున్నాయి. సర్వేల ఆధారంగా ఈ 2 ప్రాజెక్టులకు సంబంధించిన సమగ్ర ప్రాజెక్టు నివేదిక తయారు చేసేందుకు అధికారులు ఏర్పాట్లు చేశారు. దీన్ని దక్షిణ మధ్య రైల్వే అధికారులు పరిశీలించిన తరువాత రైల్వే బోర్డు ఆమోదం కోసం పంపనున్నారు.