న్యాయమూర్తులు రాజకీయ నాయకులను బహిరంగంగా కీర్తించడం, రాజకీయాల్లోకి న్యాయమూర్తులు ప్రవేశించడం వంటివి న్యాయ వ్యవస్థ విశ్వసనీయతను దెబ్బ తీస్తాయని సుప్రీంకోర్టు న్యాయమూర్తి జస్టిస్ భూషణ్ ఆర్ గవాయ్ హెచ్చరించారు. న్యాయ, రాజకీయ పాత్రల మధ్య విభజన రేఖను పాటించాల్సిన అవసరాన్ని ఆయన స్పష్టం చేశారు.
అహ్మదాబాద్లో గుజరాత్ రాష్ట్ర న్యాయ అధికారుల సమావేశంలో జస్టిస్ గవాయ్ ”న్యాయవ్యవస్థలో విశ్వాస లోపం” అనే ప్రధాన అంశంపై ప్రసంగించారు. ”ధర్మాసనంలో ఉన్నప్పుడు, ధర్మాసనం వెలుపల ఉన్నప్పుడు న్యాయమూర్తి ప్రవర్తన న్యాయపరమైన నీతికి సంబంధించిన అత్యున్నత ప్రమాణాలకు అనుగుణంగా ఉండాలి. ఒక న్యాయమూర్తి ఒక రాజకీయ నాయకుడిని లేదా బ్యూరోక్రాట్ని పొగిడితే, అది మొత్తం న్యాయ వ్యవస్థపై ప్రజల విశ్వాసాన్ని ప్రభావితం చేస్తుంది” అని తెలిపారు.
“మరొక ఉదాహరణ ఏమిటంటే, ఒక న్యాయమూర్తి వెంటనే ఎన్నికలలో పోటీ చేయడానికి తన పదవికి రాజీనామా చేస్తే, అది వారి నిష్పాక్షికతపై ప్రజల అవగాహనను ప్రభావితం చేయవచ్చు. నా అభిప్రాయం ప్రకారం, ప్రజా క్షేత్రంలో న్యాయమూర్తి చర్య తప్పనిసరి సముచితంగా ఉండాలి” అని జస్టిస్ గవాయ్ చెప్పారు.
మే 2025లో భారత ప్రధాన న్యాయమూర్తి కావడానికి సిద్ధంగా ఉన్న న్యాయమూర్తి, న్యాయమూర్తులు రాజకీయ పక్షపాతాన్ని సూచించే బహిరంగ ప్రవర్తనపై స్పందించారు. అది మొత్తం న్యాయ వ్యవస్థ సమగ్రతను బలహీనపరుస్తుందని హెచ్చరించారు. అంతేకాకుండా, న్యాయమూర్తులు తక్షణమే ఎన్నికల్లో పోటీ చేసేందుకు రాజీనామా చేయడంపై న్యాయమూర్తి ఆందోళన వ్యక్తం చేశారు.
ఈ వైఖరి న్యాయ నిష్పాక్షికత అవగాహనకు రాజీ పడుతుందని పేర్కొన్నారు. న్యాయ విశ్వసనీయతను కాపాడే పునాది సూత్రాలపై కేంద్రీకృతమైందని చెబుతూ ప్రత్యేకించి అధికార విభజన సిద్ధాంతం, న్యాయమూర్తుల నుండి ఆశించే ప్రవర్తన, ఇది కొనసాగడానికి నిందలకు అతీతంగా ఉండాలని సూచించారు. వ్యవస్థపై ప్రజల విశ్వాసం కల్పించాలని పేర్కొన్నారు.
”న్యాయ వ్యవస్థలో విశ్వాస లోపం మా సంస్థ పునాదికే ముప్పు తెస్తుంది. విశ్వసనీయ లోటు ఉంటే, అది న్యాయ వ్యవస్థ వెలుపల న్యాయం కోసం ప్రజలను నెట్టవచ్చు. ఇవన్నీ సమాజంలో శాంతిభద్రతలకు విఘాతం కలిగిస్తాయి. అదేవిధంగా, కేసులు దాఖలు చేయడంలో, అప్పీలు నిర్ణయాలలో ప్రజల సంకోచానికి దారి తీస్తుంది” అని ఆయన తేల్చి చెప్పారు.
న్యాయ వ్యవస్థలో అట్టడుగు వర్గాలకు ప్రాతినిధ్యం లేకపోవడాన్ని జస్టిస్ గవాయ్ ఎత్తిచూపారు. నవంబర్ 2023లో సుప్రీం కోర్టు ”స్టేట్ ఆఫ్ జ్యుడిషియరీ రిపోర్ట్”లోని భయంకరమైన గణాంకాలను ఆయన ఎత్తి చూపారు. ఇది జిల్లా న్యాయ వ్యవస్థలో భర్తీ చేయని పోస్టులలో 66.3 శాతం రిజర్వ్డ్ కేటగిరీల నుండి వచ్చాయని, షెడ్యూల్డ్ తెగలకు 84 శాతం పైగా సీట్లు ఖాళీగా ఉన్నాయని వెల్లడించిందని తెలిపారు.
More Stories
ఇస్రో మరో ఘనత.. స్పేడెక్స్ డాకింగ్ విజయవంతం
బాలీవుడ్ నటుడు సైఫ్ అలీఖాన్పై దుండగుడి దాడి
కర్ణాటకలో మరోసారి కుర్చీలాట