ఉగ్రవాదం అంతమయ్యే వరకు పాక్ తో చర్చల్లేవ్

“కొందరు పాకిస్థాన్‌తో చర్చలు జరపాలని బలంగా కోరుకుంటున్నారు. కానీ, ఉగ్రవాదం అంతమయ్యే వరకు వారితో ఎలాంటి చర్చలు జరిపేది లేదు. దేశంపై దాడికి పాల్పడిన ఉగ్రవాదులను జైలు నుంచి విడుదల చేయాలని వారు (కాంగ్రెస్‌ను ఉద్దేశిస్తూ) కోరుకుంటున్నారు. కానీ, మోదీ సర్కార్‌ అలా ఎన్నటికీ చేయదు. భారత ప్రజలపై రాళ్లు రువ్విన వారికి కారాగారం నుంచి విముక్తి కల్పించేది లేదు” అని షా మరోసారి స్పష్టం చేశారు.

విపక్షాలు లేవనెత్తిన రిజర్వేషన్ అంశాన్ని అమిత్ షా ప్రస్తావిస్తూ కాంగ్రెస్, ఎన్సీపీ, పీడీపీ కొండ ప్రాంతాల్లో నివసించే వారికి రిజర్వేషన్లను తీసేశారని, అయినా మోదీ వారికి రిజర్వేషన్ కల్పించేలా చేస్తున్నారని గుర్తు చేశారు. 

“కొండ ప్రాంత ప్రజలకు రిజర్వేషన్‌ కల్పించినప్పుడు. ‘మీ రిజర్వేషన్‌ తీసేస్తారు’ అని ఫరూఖ్‌ సాబ్‌ ఇక్కడి గుర్జర్‌ సోదరులను రెచ్చగొట్టడం మొదలుపెట్టారు. గుజ్జర్‌ బకర్వాల్‌ రిజర్వేషన్‌ ఒక్క శాతం కూడా తగ్గించబోమని రాజౌలీలో మేము హామీ ఇచ్చాము. ఆ వాగ్దానాన్ని నిలబెట్టుకున్నాము. కానీ ఆ మూడు పార్టీలు మీ రిజర్వేషన్ హక్కులను ఏళ్ల తరబడి హరించాయి” అని అమిత్ షా మండిపడ్డారు.

జమ్ముకశ్మీర్లోని బర్నాయ్లో జరిగిన బహిరంగ సభలో బీజేపీ అధ్యక్షుడు జేపీ నడ్డా, విపక్షాలపై ధ్వజమెత్తారు. విపక్షాలను ఉద్దేశించి, వారు ప్రేమ దుకాణంలో, ద్వేషం సామాన్లు అమ్మే పని చేస్తారని విమర్శించారు.

 “వారు(విపక్షాలను ఉద్దేశించి) రెండు కులాలు గొడవపడేలా చేస్తారు. వారు అనుకున్నది సాధించేందుకు సమాజాన్ని విభజిస్తారు. ఇవి దేశ వ్యతిరేక శక్తులు. ఎన్సీ, కాంగ్రెస్ పాకిస్థాన్ రక్షణ మంత్రి నుంచి సర్టిఫికెట్ అందుకున్నాయి. ప్రధాని మోదీ నేతృత్వంలో దేశం పురోగతి సాధించింది. అవినీతి అంతమైంది” అని నడ్డా పేర్కొన్నారు.

మరోవైపు పూంచ్లో జరిగిని ఎన్నికల సభలో మాట్లాడిన రక్షణ మంత్రి రాజ్నాథ్ సింగ్, పదేళ్ల తర్వాత జరుగుతున్న ఈ ఎన్నికలపైనే అందరి దృష్టి ఉందని చెప్పారు. జమ్ముకశ్మీర్లో 58 శాతానికి పైగా, లద్దాఖ్లో 82 శాతం కంటే ఎక్కువ ఓటింగ్ నమోదైందని, ఇది జమ్ముకశ్మీర్ మారుతోంది అనేందుకు పెద్ద సూచన అని చెప్పారు.