వియత్నాంలో 179 మందిని బలిగొన్న యాగీ టైఫూన్‌

ఉత్తరాదిలోని నదులపై వరద నీటి ప్ర‌భావం ఎక్కువగా ఉందని వాతావ‌ర‌ణ కేంద్రం తెలిపింది. అలాగే థావో నది నీటి మట్టం పెరిగి దాని సమీప ప్రాంతాలు వరదలో చిక్కుకున్నాయి.  ఉత్తర ప్రాంతాలలో లోతట్టు, నదీతీర ప్రాంతాల్లో వరదలు ఎక్కువగా ఉన్నాయని తెలిపింది. పర్వత ప్రాంతాల్లో ఆకస్మిక వరదలు, కొండచరియలు విరిగిపడే అవకాశం ఉందని హెచ్చరించింది.దశాబ్దాల కాలంలో వియాత్నాంను తాకిన అత్యంత బలమైన తుపాను ఇదేనని ప్రభుత్వం ఓ ప్రకటనలో పేర్కొంది. టైఫూన్ ప్రభావంతో గత శనివారం గంటకు 149 కి.మీ వేగంతో (92 ఎంపిహెచ్) వేగంతో గాలులు వీచాయని తెలిపింది. ఆదివారం బలహీనపడినప్పటికీ, కుంభవృష్టి కొనసాగింది. దీంతో నదులు ప్రమాదకర స్థాయిలో ప్రవహిస్తున్నాయని ఆ ప్రకటనలో తెలిపింది.