“వేదాలు సమగ్ర జ్ఞానం, విజ్ఞాన శాస్త్రానికి మూలం. సాంప్రదాయకంగా మనం వాటిని రక్షిస్తున్నాము. నేటి సమాజంలో విశ్వాసాన్ని సజీవంగా ఉంచాలంటే వేదాల గురించిన అత్యాధునిక జ్ఞానాన్ని సామాన్యులకు తెలియజేయాలి” అని రాష్ట్రీయ స్వయంసేవక్ సంఘ్ (ఆర్ఎస్ఎస్) సర్ సంఘచాలక్ డాక్టర్ మోహన్ భగవత్ తెలిపారు. శ్రీ రామ జన్మభూమి తీర్థ క్షేత్ర న్యాస్, శ్రీ సద్గురు గ్రూప్, పూణే, బాలగంధర్వ రంగమందిర్లో సంయుక్తంగా నిర్వహించిన వేద సేవకుల సన్మాన కార్యక్రమంలో ఆయన మాట్లాడారు.
అయోధ్యలో నాలుగు వేదాలను పఠిస్తూ సుదీర్ఘమైన అనుష్ఠానం చేసిన వేద సేవకులను సత్కరించారు. మహారాష్ట్రలోని వివిధ ప్రాంతాల నుండి 240 మంది పురోహితులు, స్వచ్ఛంద సేవకులు 36 దశల్లో నవంబర్ 2022 నుండి ఈ సంవత్సరం ఫిబ్రవరి వరకు దాదాపు 16 నెలల పాటు ఈ అనుష్ఠానం జరిపారు.
వేదాలు కేవలం పురాతన గ్రంథాలు మాత్రమే కాదని, మన ఆధ్యాత్మిక వారసత్వానికి పునాది అని, జీవితంలోని ప్రతి అంశంలో లోతైన జ్ఞానం, అంతర్దృష్టిని అందజేస్తున్నాయని డా. భగవత్ చెప్పారు. “ఈ జ్ఞానాన్ని ప్రపంచ శాంతి సందేశంతో ప్రపంచానికి తీసుకెళ్లగల కొత్త తరానికి, తాజా రూపంలో, ముందుకు తీసుకెళ్లాల్సిన అవసరం ఉంది” అని సూచించారు.
తాజా అంతర్జాతీయ పరిణామాలను ఉదహరిస్తూ, ప్రతిచోటా ఉదాసీనత, అసమానతలు పెరుగుతున్నాయని తెలిపారు. “ప్రపంచ శాంతిని అస్థిరపరిచేందుకు ప్రపంచవ్యాప్తంగా ఉన్న దుష్ట శక్తులు ఏకమయ్యాయి. బంగ్లాదేశ్ మొదటి ఉదాహరణ కాదు. ఇది అమెరికా, పోలాండ్, అరబ్ వసంతంలతో ప్రపంచపు ‘సాంస్కృతిక క్షీణత’తో ప్రారంభమైంది. అది భారత్ కు చేరుకోవచ్చు” అని హెచ్చరించారు.
“ఈ దుష్ట శక్తులను ఎదుర్కోగల సామర్థ్యం మనకు ఉంది. మనం దీన్ని చేయగలము. ఎందుకంటే మనకు వేదాలు వంటి మన గ్రంథాల రూపంలో జ్ఞానం ఉంది. మన జ్ఞానం ఆలోచనను కాలానికి అనుగుణంగా, అర్థం చేసుకునే భాషలో సమాజం ద్వారా అందించాలి” అని చెప్పారు.
భారతీయ సంప్రదాయం, కుటుంబ విలువ వ్యవస్థకు పాతుకుపోయేలా యువ తరంతో కుటుంబ విలువలను పంచుకొనే ప్రాముఖ్యతను ఆయన ఈ సందర్భంగా ప్రస్తావించగారు. “ప్రపంచవ్యాప్తంగా కుటుంబ వ్యవస్థ నాశనమవుతున్నప్పుడు, దేశంలో ఉన్న కుటుంబ విలువ వ్యవస్థ కారణంగా ఇది పురాతన కాలం నుండి భారతదేశంలో ఇప్పటికీ బలంగా ఉంది” అని డా. భగవత్ గుర్తు చేశారు.
వేద సేవకులను పిలిచి వారు పూజలు చేసిన ప్రతిచోటా ఈ విలువలను చేయాలని సర్ సంఘచాలక్ పిలుపునిచ్చారు. “మానవులు అభ్యాసం నుండి నేర్చుకుంటారు. కాబట్టి అభ్యాసం తత్వశాస్త్రం వెలుగులో బోధించడం జరగాలి. ఎలాంటి వివక్షకు తావు లేకుండా ఈ విధంగా చేయాలి” అని స్పష్టం చేశారు.
“వేదాలలో అంటరానితనానికి స్థానం లేనప్పుడు, ఈ అసహ్యకరమైన వివక్ష ఎందుకు ఉండాలి?” అని డా. భగవత్ ప్రశ్నించారు.
విశ్వ హిందూ పరిషత్ ఉపాధ్యక్షుడు, శ్రీ రామ జన్మభూమి తీర్థ క్షేత్ర ట్రస్ట్ ప్రధాన కార్యదర్శి చంపత్ రాయ్, ట్రస్ట్ కోశాధికారి స్వామి గోవిందదేవ్ గిరి జీ మహారాజ్, పూణేలోని భారత్ వికాస్ గ్రూప్కు చెందిన డాక్టర్ హనుమంత్ గైక్వాడ్; సకల్ మీడియా గ్రూప్ చైర్మన్ అభిజీత్ పవార్, సద్గురు గ్రూప్ వ్యవస్థాపక చైర్మన్ యశ్వంత్ కులకర్ణి కూడా ఈ సందర్భంగా మాట్లాడారు.
అయోధ్యలోని రామమందిరం ప్రాంగణంలో శేషనాగ, సమకాలీన ఋషులు — వాల్మీకి, వశిష్ఠ, విశ్వామిత్ర, అగస్త్య — గిరిజనుల రాజు నిషాదరాజు, శబరి ఆలయాలతో సహా 18 ఆలయాలను నిర్మించబోతున్నట్లు చంపత్ రాయ్ తెలిపారు. ఆలయాన్ని సందర్శించే 25,000 మంది యాత్రికులకు అందించే జీరో డిశ్చార్జి, పర్యావరణ అనుకూలమైన వ్యవస్థలపై తాము కృషి చేస్తున్నామని ఆయన చెప్పారు.
సంత్ జ్ఞానేశ్వర్ రచించిన పాసయదానం “రామరాజ్య మేనిఫెస్టో” అని ఆచార్య గోవిందదేవ్ గిరి జీ తెలిపారు. “చాలా దుష్ట శక్తులు ఈ దేశాన్ని నాశనం చేయడానికి పూనుకుంటున్నాయి. వాటిని అణచివేయడానికి, ప్రతి ఒక్కరూ సమాజం కోసం, దేశం కోసం మన జీవితంలోని కొన్నేళ్లు ఇచ్చే వ్యవస్థను మనం సృష్టించాలి,” అని ఆయన సూచించారు.
More Stories
తెలంగాణకు రూ.1.32 లక్షల కోట్ల పెట్టుబడులు
బాలీవుడ్ సెలబ్రిటీలకు హత్య బెదిరింపులు
ట్రంప్ `పౌరసత్వం’ నిర్ణయంపై అమెరికాలోని 22 రాష్ర్టాల దావా