బిఆర్ఎస్ తో పొత్తు పెట్టుకోవాల్సిన ఖర్మ బీజేపీకి లేదు

రుణమాఫీ కాక రైతులు కాంగ్రెస్ దిష్టిబొమ్మలు కాల్చేస్తున్నా పట్టించుకోరా? అని ప్రశ్నించారు. 64 లక్షల మంది రుణాలు తీసుకుంటే 22 లక్షల మందికే మాఫీ చేశారని తెలిపారు. రైతులందరికీ రుణాలు మాఫీ చేస్తామని హామీ ఇచ్చి ఎన్నికల్లో రూ.40 వేల కోట్ల రుణాలను మాఫీ చేస్తామని ప్రకటించి, బడ్జెట్లో రూ.26 వేలు కేటాయించి, చివరకు రూ.17 వేల కోట్లు మాత్రమే మాఫీ చేశారని తెలిపారు.‌

గత బీఆర్ఎస్ ప్రభుత్వం లక్ష రూపాయలు రుణమాఫీ చేస్తానని రైతులని మోసం చేసిందని ఆరోపించారు. కాంగ్రెస్ రెండు లక్షల రుణమాఫీ చేసినట్లు చెబుతూ మోసం చేస్తోందని విమర్శించారు. రైతులకు వెంటనే బ్యాంక్ ల నుంచి క్లియరెన్స్ సర్టిఫికెట్ ఇప్పించాలని డిమాండ్ చేశారు. లోన్ తీసుకున్న రైతులకు క్లియరెన్స్ సర్టిఫికెట్ రాకుంటే భవిష్యత్ లో ఎలాంటి రుణం పొందలేరనే విషయం గుర్తుంచుకోవాలని హితవు చెప్పారు.

కల్యాణ లక్ష్మి లక్ష రూపాయలు, తులం బంగారం సహా 6 గ్యారంటీలు ఇప్పటికీ అమలు చేయలేదని తెలిపారు. 30 వేల ఉద్యోగాలని 12 వేల ఉద్యోగులు మాత్రమే కాంగ్రెస్ ప్రభుత్వం ఇచ్చిందన్నారు. కాంగ్రెస్ ప్రభుత్వం అద్దాల మేడలో కూర్చొని ప్రజలకు అన్ని చేశాం అని అనుకుంటుందని తెలిపారు. రైతు భరోసా, బోనస్, రుణమాఫీ చేస్తామని చేయలేదని చెబుతూ ప్రజలకు అన్ని విషయాలు తెలుసని హెచ్చరించారు.