హమాస్ మిలటరీ చీఫ్‌ మహ్మద్‌ డీఫ్‌ దుర్మరణం

దక్షిణ గాజా నగరం అయిన ఖాన్ యూనిస్పై జులై 13న ఇజ్రాయెల్పై దాడి చేసింది. ఆ దాడిలో స్థానికంగా గూడారాల్లో ఉన్న పౌరులు సహా 90మందికి పైగా మరణించినట్లు అప్పడు గాజా ఆరోగ్య శాఖ అధికారులు తెలిపారు. అయితే ఆ దాడిలో డెయిఫ్ మరణించినట్లు వెంటనే ధ్రువీకరణ కాలేదు. తాజాగా దీనిపై ఇజ్రాయెల్ సైన్యం ప్రకటన విడుదల చేసింది. ఈ విషయంపై హమాస్ ఇంకా స్పందించలేదు.

ఇరాన్ రాజధాని టెహ్రాన్‌లో హమాస్ అగ్రనేత ఇస్మాయిల్ హనియా బుధవారం హత్యకు గురయ్యారు. ఈ ఘటనలో తమ పాత్ర ఉందని గానీ, లేదని గానీ ఇజ్రాయెల్ స్పందించలేదు. కానీ ఇరాన్ మాత్రం హనియా హత్యకు ప్రతీకారం కచ్చితంగా తీర్చుకుంటామని శపథం చేసింది. దానికి తోడు హనియా హత్య జరిగిన మరుసటి రోజే ఇజ్రాయెల్ చేసిన ఈ ప్రకటనతో పశ్చిమాసియాలో ఇజ్రాయెల్-హమాస్ యుద్ధం మరింత విస్తరించే అవకాశం ఉంది.