ఏపీ ప్రధాన కార్యదర్శిగా నీరభ్‌కుమార్‌ ప్రసాద్‌

సీఎస్ గా అవకాశం కల్పించిన ముఖ్యమంత్రిగా ప్రమాణ స్వీకారం చేయనున్న‌ చంద్రబాబుకు ప్రసాద్ కృతజ్ఞతలు తెలిపారు. సహచర అధికారులు సిబ్బందితో రాష్ట్రాన్ని అన్ని రంగాల్లో ముందుకు తీసుకెళ్లేందుకు త‌న‌ వంతు కృషి చేస్తానని వెల్లడించారు. ప్రభుత్వ ప్రాధాన్యాలకు అనుగుణంగా తన పని ఉంటుందని, మంచి చేసేలా కృషి చేస్తానని పేర్కొన్నారు.. అభివృద్ధి, సంక్షేమ పథకాలను క్షేత్రస్థాయిలో మరింత సమర్థవంతంగా అమలుకు కృషి చేస్తానని చెప్పారు. ఆంధ్రప్రదేశ్ రాష్ట్రాన్ని అన్ని రంగాల్లో ముందంజలో నిలిపేందుకు శాయశక్తులా కృషి చేస్తానని తెలిపారు.