ఈ చిత్రం నుంచి గత ఏడాది జరిగిన ఈ ప్రతిష్ఠాత్మక అకాడమీ అవార్డుల వేడుకల్లో ఒరిజినల్‌ సాంగ్‌ కేటగిరీలో ‘నాటు నాటు’ పాటకు ఆస్కార్ వరించిన విషయం తెలిసిందే. తాజాగా ఆస్కార్ వేడుకల్లో మరోసారి ఈ పాట మెరిసింది. లాస్‌ ఏంజెల్స్‌లోని డాల్బీ థియేటర్‌లో 96వ అకాడమీ అవార్డుల ప్రధానోత్సవం అట్టహాసంగా జరిగింది.
ఈ వేడుకల్లో ‘ఆర్‌ఆర్‌ఆర్‌’ దృశ్యాలు కనిపించాయి. బెస్ట్‌ ఒరిజినల్‌ సాంగ్‌ కేటరిగీలో అవార్డును ప్రకటించే సమయంలో తెరపై ‘నాటు నాటు’ పాటను ప్రదర్శించారు. ఎన్టీఆర్, చ‌ర‌ణ్ వేసిన ‘నాటు నాటు’ హుక్ స్టెప్ విజువ‌ల్స్ కనిపించాయి. సాధార‌ణంగా ఏ అవార్డు ఇచ్చినా, నామినీల వివ‌రాల‌తో పాటుగా, గ‌తేడాది ఆ కేట‌గిరిలో అవార్డు పొందిన సినిమా తాలుకూ విజువ‌ల్స్ ప్లే చేయ‌డం ప‌రిపాటి.
అలా ‘నాటు నాటు’ పాట‌ని మరోసారి ఆస్కార్ వేదికపై చూసుకొనే అవకాశం తెలుగు సినీ ప్రియులకు దక్కినట్లైంది. అంతేకాకుండా ‘ఆర్‌ఆర్‌ఆర్‌’ చిత్రంలోని కొన్ని దృశ్యాలను కూడా ఈ వేదికపై తళుక్కున మెరిశాయి. ఇప్పటి వరకూ సినిమాల్లో వచ్చిన బెస్ట్‌ స్టంట్స్‌కు సంబంధించిన సీన్స్‌ను ఓ ప్రత్యేక వీడియో ద్వారా ఈ వేదికపై ప్రదర్శించారు.
అందులోనూ ‘ఆర్‌ఆర్‌ఆర్‌’ చిత్రంలోని రెండు యాక్షన్‌ షాట్స్‌ ఇందులో కనిపించడం విశేషం. దీనికి సంబంధించిన వీడియోలను ‘ఆర్‌ఆర్‌ఆర్‌’ బృందం తన అధికారిక ఎక్స్‌ ఖాతాలో షేర్‌ చేసింది. ప్రస్తుతం ఆ వీడియోలు వైరల్‌ అవుతోంది.
More Stories
తెలంగాణ కేబినెట్ స‌మావేశానికి అనుమ‌తివ్వ‌ని ఈసీ
భూవివాదంలో పోలీసుల అదుపులో మాజీ మంత్రి మల్లారెడ్డి
అమెరికాలో రోడ్డు ప్రమాదంలో హైదరాబాద్ ఇంజినీర్ మృతి