వారంలో ఏపీలో పొత్తులపై బిజెపి స్పష్టత

రాష్ట్రంలో 50 వేలమంది అభిప్రాయాలు కూడా సేకరిస్తున్నామని, సామాన్య ప్రజలను కలిసి వారి సమస్యలు అడిగి తెలుసుకుంటామని ఆమె చెప్పారు. 175 అసెంబ్లీ, 25 ఎంపి సీట్ల లో అభ్యర్థుల పోటీ పై ఫీడ్ బ్యాక్ తీసుకున్నట్లు చెప్పారు. ప్రజల అభిప్రాయాలను జాతీయ నాయకత్వానికి వివరిస్తామని, అధిష్టానం నిర్ణయం బట్టి మా అడుగులు ఉంటాయని ఆమె వివరించారు.

బీజేపీ తరపున పోటీ చేసే అభ్యర్థులు 2000 మంది వచ్చారని, ఒక్కో నియోజకవర్గంలో మూడు నుంచి ఐదుగురు అభ్యర్థులు ఉన్నారని, పార్లమెంటరీ కమిటీ సమీక్ష చేసి అభ్యర్థులను ఖరారు చేస్తారని చెప్పారు.

ఏపీలో ఎన్నికల పొత్తు ఉంటే కేంద్ర పార్టీ పెద్దలే ప్రకటిస్తారని, ఏదేమైనా 175 అసెంబ్లీ, 25 ఎంపి స్థానాల్లో పోటీకి అభ్యర్థులు జాబితా సిద్దం చేశామని పురందేశ్వరి వెల్లడించారు. ఏ నియోజకవర్గంలో ఏ అభ్యర్థి గట్టి పోటీ ఇవ్వగలరనే  దాని పైనే చర్చ సాగిందని, జాబితా కేంద్రానికి రెండు రోజుల్లో పంపుతామని ఆమెచెప్పా రు. జాతీయ నాయకత్వం నిర్ణయం బట్టి కార్యాచరణ ఉంటుందని తెలిపారు.