హిమాచల్ లో పతనం అంచున కాంగ్రెస్ ప్రభుత్వం .. మంత్రి రాజీనామా

ఇప్పుడు బంతి పార్టీ హైకమాండ్ వద్ద ఉందా, ప్రభుత్వం ఉందా లేదా అనే దానితో తమకు సంబంధం లేదని విక్రమాదిత్య స్పష్టం చేశారు. ప్రభుత్వం ఎందుకు పడిపోయిందని మాకు తెలియదు. ఈ విషయాన్ని హైకమాండ్ పరిశీలించాలని కోరారు. తమ గొంతును అణచివేయడానికి ప్రయత్నిస్తున్నారని పేర్కొంటూ తాము దానిని సహించలేమని విక్రమాదిత్య తేల్చి చెప్పారు. ఇంతకుమించి ఎలా ముందుకు వెళ్లాలో కాలమే సమాధానం చెబుతుందని అంటూ  జరుగుతున్న సంఘటనలు దురదృష్టకరమని పేర్కొన్నారు.

మంగ‌ళ‌వారం జ‌రిగిన రాజ్య‌స‌భ ఎన్నిక‌ల్లో ఆరుగురు కాంగ్రెస్ ఎమ్మెల్యేలు క్రాస్ ఓటింగ్‌కు పాల్ప‌డ‌డంతో హిమాచ‌ల్ ప్ర‌దేశ్‌లో రాజ‌కీయం ర‌స‌వ‌త్త‌రంగా మారింది. బ‌హిష్క‌ర‌ణ‌కు గురైన ఎమ్మెల్యేల్లో జైరాం ఠాకూర్‌, విపిన్ సింగ్ ప‌ర్మార్‌, ర‌ణ్‌దీర్ శ‌ర్మ‌, లాకెండ‌ర్ కుమార్‌, వినోద్ కుమార్‌, హ‌న్స్ రాజ్‌, జ‌న‌క్ రాజ్‌, బ‌ల్బీర్ వ‌ర్మ‌, త్రిలోక్ జంవాల్‌, సురేందర్ షోరి, దీప్ రాజ్‌, పురాన్ ఠాకూర్‌, ఇంద‌ర్ సింగ్ గంధి, దిలీప్ థాకూర్‌, ఇంద‌ర్ సింగ్ గంధీ ఉన్నారు.

క్రాస్ ఓటింగ్‌తో కాంగ్రెస్ ప్ర‌భుత్వం మైనార్టీలో ప‌డింద‌ని, సీఎం సుఖ్వింద‌ర్ సింగ్ రాజీనామా చేయాల‌ని బీజేపీ నేత జైరాం ఠాకూర్ డిమాండ్ చేశారు. మంత్రి విక్ర‌మాదిత్య సింగ్ రాజీనామా చేయ‌డంతో కాంగ్రెస్ పార్టీ మ‌రింత క‌ష్టాల్లో ప‌డిన‌ట్లు అయ్యింది. కాంగ్రెస్ స‌ర్కార్‌పై అవిశ్వాస తీర్మానం ప్ర‌వేశ‌పెట్టేందుకు ఇవాళ బీజేపీ ఎమ్మెల్యేలు ఆ రాష్ట్ర గ‌వ‌ర్న‌ర్ శివ ప్ర‌తాప్ శుక్లాను క‌లిశారు.